قصيده ..
" ضحكتين و مرحبّا "
أنا غلاك القديم ، و حزنك الأول !
يمكن لو تنبش بخاطرك تلمحني
تعال قلبي تعب ! ما عاد يستحمل
بديت أخاف إنكساري منك يفضحني
مشتاق لـ عيونك إللي كل ما تثمل
نظره تضويني ، .. ونظره تسرحني
تخطي وتزعل علي وأقول لا تزعل
أنا إللي أخطيت ماودك تسامحني ؟
_ حمود ابو عوينه
انت الحبيب اللي مبدّا على الغير
وكل الكلام اللي .. يجيبك مبدّا
دام الخطايا في وجيه المعاذير
والله ما يضعف .. حبنا ويتردّا
قلبي عليك آرقّ من ريشة الطير
يا ليته إليا قلت له " هدّ " هدّا
كانك هديه من يدين المقادير
فـ انا مدينٍ ،، للمقادير جِدّا
اتعبوا لأهدافكم ياهل الحلم الشغوف
عنفوان زهور الأعمار قافيها المراح
الضعافة ويش ودت وجابت للضعوف
غير صبرٍ ما يواجر وهمٍ ما يزاح
الفشل لا تجعلونه ذريعة للوقوف
هو تراه أول مراحل محطات النجاح
ما يعديك المهونة ويلحقك الشفوف
غير ممشاك بشجاعة وعزمٍ من كفاح
صباح الخير ، بالنيابه عن شخصك المفضل التافه اللي ما فكر يصبح عليك ...
ما عندي أسباب إنتقابل بس أنا عندي حنين
انتي "أماني" و"الأماني" و"الأمانة" و"الأمن"
يارب يجمعنا الوله والحب وأقدار السنين
وياليت لا منّه خذانا الموت يجمعنا كَفَن
أنا لأني عشقتك بكيت لأجلك .. مرتين
جيتي بكيت من الفرح ، رحتي بكيت من الحزن
مُرني بـ رساله أنا جداً مشتاق .
تعال والله مالك الا العفو والي راح راح
انا ادري انك منت ناسيني وانا ماني خلي
انا دوافع غيبتي اكبر من حدود السماح
لكن تعال وكل شي صار ف غيابك علي :)
عطّ الليل فرصة من جديلك ياروح الروح
معك ودّي إن الشمس تشرق بعد بكره
أنا اشفق على "لبّيه" من صوتك المبحوح
لا حلّ الظلام وعوّد الطير في وكره
تحت عنقك الفارع ورى زرارك المفتوح
ما باقي عليّ إلّا ألحق السكره السكره
يغنّي على شباك دارك : حمام الدوح
وأغنّي عليك : البيت والقاف والفكره .
لا يلحقك يا نظر عيني من الوقت خوف
انا معك ما لحقني خوف طول العمر
بين اتفاق المشاعر واختلاف الشفوف
نحاول إن المحبه ف القلوب تعمر
انتي حبيبة شجاعٍ ما ألتفت لـ الضعوف
وانتي مليكة من يشوف أمنياتك أمر
لك وسط عيني مكان و وسط قلبي رفوف
ولك بين حدب الظلوع العوج درب وممر .
توهم نفسك بإنك تخطّيت بس إنت غااااااارق بالذكريات .
يا غلبااااااان :)