Muhammad Sameh
اشارك مُعتقداتي وهواياتي بصوتٍ عال؛ واتحدثُ احيانًا عن التقنية.
واجب التحذير للمرة المليون من النصابين دول لأن الإنتشار هيبقى أكبر دلوقتي ومش مقتصر على علي إكسبريس.
https://www.facebook.com/share/r/12KJxrC4GLf/
مفيش فلاشة 2 تيرا بـ500 جنية
مفيش فلاشة 2 تيرا بـ650 جنية
مفيش فلاشة 2 تيرا بـ1000 جنية
مفيش فلاشة 2 تيرا بـ2000 جنية
مفيش فلاشة 2 تيرا بـ5000 جنية
مفيش فلاشة 2 تيرا 7000 جنية
اغلب الناس الي بتدعي انها بتبيع فلاشات 2 تيرا و 1 تيرا مجهولة الهوية بألفين و ٣ الاف دي بتكون فلاشات مضروبة وملعوب فيها عشان تبان بالحجم ده، مجرد ما تبدأ تملاها داتا هتلاقيها بتتمسح وهتضيع عليك فلوسك.
الفلاشات الحقيقية الي بالأحجام هي موجودة بالفعل بس نادرة جدًا وأسعارها بتبدأ من 200$ للنسخ الـ 2 تيرا، بلاش تقع في الفخ ده ولا تشتري فلاشات او هاردات مجهولة المصدر من علي اكسبريس ولا غيره.
ومالك جاي على نفسك كدا ليه يا اوبر، مكانوش 2 جنية يعني
على غرار رموز العملات زي رمز الدولار $ واليورو € والين ¥ وكمان رمز الجنية الإسترليني £.
البنك المركزي السعودي أطلق اليوم رمز للريال،
ومعمول دليل هوية بصرية للرمز تقدر توصله انك تدوس هنا.
🔗
عاجبني جدًا توجه المملكة في توحيد الهوية البصرية بتاعت كل حاجة عندها، واتمنى قريب اشوف مصر وهي بتحذو نفس الحذو، وانا متأكد ان عندنا كفاءات تطلع شغل بمقاييس عالمية.
شركات الموبايلات اخترعت الـ Flash SMS عشان لو فيه كوارث زي زلازل او فياضانات تقدر توصل لكل الناس عن طريق انها تبعت رسالة تظهر قدامك من غير اي مقدمات.
انك تستخدم ميزة زي كدا في عرض دعائي او إعلاني هي حاجة في قمة الرخص وحاجة غير مقبولة بالمرة.
ومع الوقت الـ Flash SMS هتفقد قيمتها ومحدش هيهتم بيها خالص.
بعد ما تعمل آخر تحديث للآيفون واخر تحديث لتروكولر هتخش من الاعدادات
Setting > Apps > Phone > Call Blocking & identifications
وتفعل كل الاختيارات بتاعت تروكولر وبالذات آخر اختيار ده، والف مبروك عليك!