قصائد حسينية مكتوبه

وداعاً....   ياعلي حامي الحمه
شلون أودعنك يحيدر أرحم انته بحالي
انــه بعدك هايحيدر دمعــتي الـتـبرالي
وأنه زينـب يابـو زينـب. خيــبـيت آمالي
راح أعيــش بـدونك أنه وما تفـارك بالي
يبويه          الدنيا بعدك مضلمه
وداعاً.         ياعلي حامي الحمه
الكون متغـير يـبويه واختـلف كـل الـونه
جـم يتـيم اباب بيـتي ماطــبكها عيــونه
كلها تصـرخ كلـها تبـجي لمـن يشــيعــونه
وكـلب زينب ها يحـيدر كلهـم يواســـونه
يحيدر          بعدك الشوف أنعمه
وداعاً.          ياعلي حامي الحمه
عمري مارايده بغيـابك  علي كرت عـيني
شـلي بيـها الدنيا بعدك مااريد أسنــيـني
بويه والقــرآن بعدك ماأعــوفـه أونيــنـي
اكضي عمري ع المنـاحه غيـبتك تاذينـي
يكرار.       الغيبه صعبه ومولمه
وداعاً.      ياعلـي حامي الحـمه
بالغدر بــويه تراهـم وصلو إلها حدوردك
مااجـو وجـها لوجـهـن عالي أنتـه بزودك
مادنـو حدك يحيدر من تـــدكها احـدودك
من حقدهم من كفرهم تشكي يم معبودك
والحقاد..    بالـــغدر ومـــحزمــه
وداعــاً       ياعلي حامي الـحمه
ربي ألــعـن أبــن مـلـجم  بل يــتم خـلانه
ويلي حيدر هــل مسيــه خالي هذا مجانه
والله فكـدك ها يبـويه بكــل وكـت بجــانه
ويا حــلات العــيد جـــنه علي جـان ويانه
بلاياك.           العيد لا من سالمه
وداعــاً         ياعلي حامي الحمه
العــيد يابــويه بغيـــابك ماأريــد اعــياده
العــيد مـتريده اليتـامه وكلبي هم ماراده
بحيره بعدك والله ضلت بويه عمت الساده
هذا أبوي الماكو مــنه حلوه حـلوه أمجاده
والعيون.    دم ودمع شو هامله
وداعاً.       ياعـلي حامـي الحمه
كلمات الخادم
مرتضى مكطوف الموالي
https://telegram.me/aabas78
قصائد لكل ايام محرم اشترك بالقناة

ميثم التمار شد انگابه
يا علي يصيح ويون لمصابه
*
يبجي ميثم والفگد حيدر يون
وصاح كون وياك هليله اندفن
الدنيه عكبك من رحت صارت سجن
يالرحيل ما حسبنه احسابه
****
جابر الأنصار يم اجنازته
ويلطم اعله العين ضل لمصيبته
شبكه تابوته ويشم بعمامته
وحضرت التشييع كل اصحابه
**
قنبر امن المكبره رد منكسر
وصاح محبوبي اندفن وسط الكبر
من اكولن يا علي حيل انعصر
بكلبي حيدر ما يطيب اصوابه
****
صاح ابن ظاهر على الدنيه العفه
فاركتني وتدري جرحك ما شفه
يالحبيب وياك ما ينسه الوفه
والدمع نهرين صب بغيابه
***
ناصبين الفاتحه صحبانه
وصاحو المحراب خالي امجانه
اليحب حيدر خل يون ويانه
واليتامه اتجمعت يم بابه
*
اليوم حيدر راح والعالم حزن
البگه براسك كلها كالت للحسن
والغريب حسين هد حيله الزمن
ولبو اتراب ينوح ضل اترابه
****
تمت
تحسين الخفاجي
https://telegram.me/aabas78
قصائد لكل ايام محرم اشترك بالقناة

چن قامت القيامـه
بطبرت اُبو اليتامه
چن قامت القيامـه
جبـريـل نـــادى منـالسمـه
طبروا علـي حامي الحمه
چن قامت القيامـه
طبــرة غـدر وي الفجـــر
صابت ولينه ابهامته
طـاح الولـي حيدر علـي
و الدم يغرگ اعماته
جرحه نزف صوته هِتف
فُزتُ وَ رَبي ابسجدته
صوابه كلف ما ينوصف
و الدم يخضب شيبته
إحــا يَّهَــل مصيبـه
ساعة حزن رهيبــه
محـرابه غرگـوا بـالــدمـه
طبروا علـي حامي الحمه
چن قامت القيامـه
الوالي انطبر ذاعه الخبر
وايتامه فزعت عالجره
ركضوا اله الشيعه و هله
بدموع تنـزف مُوجره
الكل منفجع و عله الضلع
صار اللطم يا حيدره
الداره وصل شنهي الحصل
من أشبگتَّه الطاهره
تبچي بچي السقيمه
مـن شافـة الجريمـه
والدمعه عـالخـد ساجمـه
طبروا علـي حامي الحمه
چن قامت القيامـه
طاح العمَـد سـيد الشدد
هالطبره بينه موجعه
الچان المدد ألنه و سند
صارت سجدته فاجعه
ما صح دوه الراعي اللوه
للشيعه و اهله إيرجعه
وسفه الجبل وجهه ذبـل
بعيونه تقـره مصرعه
بغدره المرادي جانه
نـاوي علـى الخيانـه
بهــاي المصيبـه المـؤلمــه
طبروا علـي حامي الحمه
چن قامت القيامـه
نياحه و حزن و الكل يون
و الوضع صار اشمصعبه
ايحز بـالگلـب دمـه يصـب
و الهامه وسفه امعصبه
شلـون اعتنـه إبــن الـزنـه
و السيف سَلَّـه و صوبـه
بليلـه قــدر صـابـه القـذر
خلـه الگلــوب امعطبـه
آ يــا ألــم بلــوانــه
هز العرش و اركانه
هالضربـه چـانت قـاصمه
طبروا علـي حامي الحمه
چن قامت القيامـه
زينب نعـت يمـه و بچت
و مگابلتـه و حـايره
بجرحه تشم حـزن اليتم
دارت عليها الدايـره
مدمعها صب موته گرب
حسره بگلبها امكسره
اوداع الولـد يمـرد مَـرد
اعليهم تكسر خاطره
شمصعبها هاي الساعه
لمـن بـدوا بوداعـه
حــان التقـائـه ابفــاطمـه
طبروا علـي حامي الحمه
چن قامت القيامـه
كريم الحاج فليح
٧ ــ ٣ ــ ٢٠٢٥
https://telegram.me/aabas78
قصائد لكل ايام محرم اشترك بالقناة

طبرت راسك/ يتمت ناسك/ راحت وياك الاحلام
وبمحرابك/ دم صوابك/ وايتام تعزي الايتام
ياكرار ياكرار
---------
ياوسفه ياحيدر علي/ بسيف الضغاين تنولي/ وتفارگ اغله احبابك
السيف بالشيعه نزل/ والجرح ينزف للازل/ وصوابنه من اصوابك
ابن ملجم طبرنه بطبرتك كلنه
وطحنه ياعلي وياك كل احنه
باول سجده/ باقصر مده/ صارت ساعات التوديع
نقسم بسمك/ يضهر ابنك/ حقك ياحيدر ميضيع
ياكرار ياكرار
------------
كل السيوف اتحالفت/ وبسيفك انته اتكسرت/ وشحدها توصل سيفك
الفقار آيه امنالسمه/ واعله الرگاب امعلمه/ بالحرب يمشي بكيفك
چنت تتخير الابطال من عدهم
وشارد بالحرايب دوم واحدهم
انته القائد/ صاحب ساعد/ بس هوه الشال الفقار
تهجم وحدك/ ياهو يصدك/ من تهجم بچفوفك نار
ياكرار ياكرار
-----------
ابخيبر انته الاسست/ معنه البطوله من شلت/ باب الحصن ياحيدر
الجيش كله بالجمع/ امنالباب مايقلع ضلع/ اشحده واحد يگدر
يبو چف اليساوي العدله لو مالت
ويرد الخيل بصبع لو عليه صالت
فارس خيبر/ چفك معبر/ ياهو المثلك يابو تراب
كثره اجروحك/ واهب روحك/ واليمشي بامرك ماخاب
ياكرار ياكرار
------------
بچفوك اترد الشمس/ ياطيب الگلب ونفس/ وتصلي وقت بوقته
مايوم اجلت الفرض/ وتقرض الباري قرض/ ياوصي المثلك انته
الله يحبك وحبك نبي الاسلام
ياوسفه ارحلت يابهجت الايام
صاحب صوله/ مو معقوله/ بالطبره انفگدك مولاي
انته الغايه/ صاحب رايه/ وانته الساقي العالم ماي
ياكرار ياكرار
-------------
يالحاكم بقصط وعدل/ بعد النبي جامع شمل/ ما گدروا يفرقونه
الناس كلها البغضتك/ ماگدرت اتمس شيبتك/ والمثلك ايغدرونه
غدروك بصلاتك بيش ماذيها
الغدر معناه جبن انته الفزت بيها
اليتبع هنده/ وكافر جده/ شتترجه من عنده يكون
حاقد يبقه/ ومايترقه/ وبحقده يشابه فرعون
ياكرار ياكرار
-------------
نقسم وداعت فاطمه/ الدنيه بعدك مضلمه/ ياشمس كل الدنيه
انته الابو وانته الاهل/ عيشتنه من بعدك ملل/ وعيونه اضحت عميه
يمن بالجنه انته الآمر الناهي
يمن كل شيعي يبقه بيك متباهي
انته الجنه/ وشافع النه/ للموت انضل انواليك
ثق ياحيدر/ يم المعبر/ كل شيعي اهناك ايلاگيك
ياكرار ياكرار
------------------
السيد
كريم دانه الاعرجي
---
https://telegram.me/aabas78
قصائد لكل ايام محرم اشترك بالقناة

احـنـه أيتامـك يحيـدر ياهـو الـنـه خـلافك
الحسن عالگاع يمشي واحنه فوگ اچتافك
باليتم حسّينه .. علـي غمّض عينه
ياهـو الـنـه خـلافك ياهـو الـنـه خـلافك
---------------------------
احنه ايتامك اجـيـنه وين ننطي وجوهنه
يل ﭼنت تعرف طلبنه بس تشوف عيونّه
الجوع ماشفنه بوجودك يل مليت بطونّه
بس تشيل ايـدك وتدعـي ينترس ماعونّه
.................
لا تـفارگـنه يحيدر يل عشگـنه وجـودك
احنه متعودين صرنه نغفه فوگ زنودك
مارفع ﭼفّينه .. علي غمّض عينه
ياهـو الـنـه خـلافك ياهـو الـنـه خـلافك
---------------------------
چنت ليليه تجينه جـايـب وياك شكثر
ناكل بچف المحنه ونشرب بچف الصبر
گـبـل ماتـفـگـد عـيـالك لازم علينه تمر
الدنيا بغيابك يحيدر صارت علينه گبر
..................
بالعطش تعصر عيونك حتى نشرب مايهه
لليتامه انت سندهه وانت اهلهه ورايهه
للحزن ونّينه .. علي غمّض عينه
ياهـو الـنـه خـلافك ياهـو الـنـه خـلافك
---------------------------
ياعلي ويّاك متنه ياذي حيل مصابك
يختلف عن البقيه حتى طعم غيابك
يالتعودنه نشـوفـك لا تعوف احبابك
انت للباب التجينه ومانـجـيك لبابك
....................
يالچنت كعبة يتامه لچن انت تطوفنه
چفك انت اللي تمدهه ومانمد چفوفنه
بچفك اتهنينه .. علي غمّض عينه
ياهـو الـنـه خـلافك ياهـو الـنـه خـلافك
---------------------------
انت ياطعم المحنه وانت احلى حچايه
بـيـدك الـمـر شحلاته والـقـلـيـل هوايه
للـيتيم انت حـيـاتـه وانت زاده ومايه
احـنـه بغيابك اجـيـنـه ياعلـي شچايه
....................
جينه نشكيلك غيابك هاليتامه ميتمه
چنت والدنه يحيدر وامنه هيه فاطمه
چنه مثل حسينه .. علي غمّض عينه
ياهـو الـنـه خـلافك ياهـو الـنـه خـلافك
---------------------------
ضعنه من دونـك يحـيـدر والايتام زغيره
منهو يگضيهه الحوائج والله طحنه بحيره
يالملكت گلوب ناسك عندك اطيب سيره
ظلمه بغيابك تراهي وحـشـه هاي الديره
.....................
انت عدنه الدنيا كلهه وانت كل العافيه
چنت باحضانك تلمنه والحچايه الدافيه
الك ماوفّينه .. علي غمّض عينه
ياهـو الـنـه خـلافك ياهـو الـنـه خـلافك
---------------------------
# سيد علي المدني
https://telegram.me/aabas78
قصائد لكل ايام محرم اشترك بالقناة

يا الم يتعده… ياجرح مابعده
صار وي طر الفجر طر هامة
طاح ركن الهادي ليث اسلامه
&&&&&&&&
من زمان.. بلا أمان وحاسب المكتوب الك لابد يصير
خل يجيك.. شمايجيك المهم تكون مرتاح الضمير
العاندوك.. وبعدّوك. تضل عبيد الدنيا وتضل الامير
الدنيا حال.. للزوال. وانت اسمك خالد وقدرك جبير
ياعظيم بقدره. ياجميل بصبره
من يجيه الموت شدّ أحزامه
&&&&&&&&
يامصاب.. المايهاب الموت. هو يدوّر الموت ويجيه
من صباه وصاحباه. وشافه بفراش النبي من يفتديه
بلاجدال بالنزال يصير ملك الموت خادم بين اديه
بس عجيب. والطبيب يدور لجرحه دوه مايلتگيه
لا دوه لجروحه. التنزف بنص روحه
وصابر ومايشتكي من آلامه
&&&&&&&&
موعلي،اليبتلي. بضربة السيف ويخاف من الحمام
البالسهام ،للّه گام .صلى فرضه وناس تنزع بالسهام
طبرته،بهامته ،لا أخلّت فكره لا خلّ بكلام
العطوف،الرؤوف ،يوصي بالجار ويوّصّي بالايتام
الجرح البراسه. مايضيع احساسه
شگد غريب القدر هاي أحكامه
&&&&&&&&
الخصم، مايهم، ظلم حيدر بالحرب لونازله
بالحرب،بالضرب،شطر عمرو وجسم مرحب عادله
رحمته،ورأفته، شامله الناس الأله والمو أله
توقعه،بمصرعه،علي يسامح ابن ملجم قاتله
حاكم بأحسانه. ورحمته عنوانه
إطمئن حتى المبغض بأيامه
&&&&&&&
هالجرح ،بيه شرح. لقصة المظلوم الأول خاتمه
والجره،لحيدره، لن حبيب المصطفى ورب السمه
البغضته،وبخسته حگّه والدوني عليه تقدّمه
لاغدير،ولا أمير ،وغارت اعله الدار قتلت فاطمه
ياقتيل السطره. مو قتيل الطبره
شاف أم بيته نولت گدّامه
&&&&&&&
الأكيد، مايهيد،هالجرح مايندمل لاله شفاء
لن يشوف،بالظروف، تحضّر لولده ولهل بيته بلاء
بأختصار،گباله صار،نزف چبد المجتبى ونزف الدماء
والعذاب ،في مصاب،حسين مذبوح اعله رملة. كربلاء
وزينب السابيها. اللي ذبح واليها
شاف سحگ ايتامه ،حرگ خيامه
طاح ركن الهادي ليث اسلامه
ابوحعفر محمد العبّودي
https://telegram.me/aabas78
قصائد لكل ايام محرم اشترك بالقناة

إبمحرابك شگد طاحت إبيوت
غير اليتامه إخـلافك إتمـوت
أيـــام هــاي الدنيــا أيـام
واحـد علي وهْـواي الأيتام
ـــــــــــــــــــــ
إنطبرَت اللّيله الشهامه
وأبو إلثَام إنحلّ لثامته
واليتامـه إترِد يتــامه .. إبلايه حيدر
الله لا ينطي السياسه
سالت ويه إدمومه ناسه
الشايل الفقره اعله راسه .. راسه يُطبَر
ياهو إبمثل گلبه التَرِف
واحد علي بس مِختَلِف
يكتِل ألـف يكفِـل ألف
لا سامح الله وتغفه عيناه
بيـوت الأرامل توگــع وياه
كلشي ويه حيدر يغفى وينام
واحـد علي وهْـواي الأيتـــام
ــــــــــــــــــــ
صارت أخبارك أكيــده
وكل يتيم إگليبه بيده
وچي علي يمشي بوريده .. يبچي سكته
چم يتيم أحلامه راحت
عاللّبن دمعاته طاحــت
والحزن أعلامه لاحت .. لجلك إنته
ياما على چفوفك غُفَوْ
إگعِد علي ابابـك إجَـوْ
ابعمر الورِد بس شيّبَوْ
جابولك إبلون اللِّبَن روح
متعوده بابك دوم مفتوح
إشگد اعله بابك ماتت أحلام
واحـد علي وهْـواي الأيتــام
ـــــــــــــــــــــ
وكل فقير إبابه گاعد
جرح أبونه الليله زايد
لونه والعصّابه واحد .. و إنتهينه
الماكو بالدنيا بحنانه
الليله ما نسمع أذانه
سيف إبن ملجم گِضانه .. وعَمْ علينه
طاح الأمس شايل الحمل
مَنظَر علـي يكتِل كـتِل
يرفَع رِجل ويحِط رِجِـل
يا وسفه حيدر مُصفَر اللّون
گَلّاله الأصبَغ يا علي شلون ؟
بيمن بعد ينشَدّ إلـ حْزام ؟
واحـد علي وهْـواي الأيتام
ـــــــــــــــــــــ
كلمن إمسَـبِلّ عيونه
وللحسن ضل يسأَلونه
يمولانه اشلون أبونه .. وشنهي صحته
الحسن متشيله جِدَامه
وإختصر ليهم كلامه
صرنه كل إحنه يتامه .. وي طبرْته
بوجه الفقُر يوگف منو
طايـح علي و راح الدفو
كلشي إنتهى بجرح الأبو
طاح الحنين الـ تَرسَه وگفات
لا سامح الله و لو علي مــات
ينحَط مُخَطَّط حَرِگ إلـِ خْيام
واحـد علي وهْـواي الأيتــام
ـــــــــــــــــــــ
حگها أركان الهداية
تنهدم چي طاحت آية
منطبر راس الولاية .. ويجري دمّه
حيدر مأييس طبيبه
حِكمَه بيها وماكو ريبه
الله مشتاگ إلحبيبه .. و راده يمّه
ما في الأمر كُل مايلي
هوه العلي إشتاگ إلعلي
هوّه الولي يحب الولي
فاز إبحياته ولازم إيــروح
مجروح گلبه و راح مجروح
رايح علي و يَا كسْر الإسْلام
واحـد علي وهْـواي الأيتام
ـــــــــــــــــــــ
الشاعر مهدي التقي
https://telegram.me/aabas78
قصائد لكل ايام محرم اشترك بالقناة

يا ضوانه وعـايف البيت
عالجنازه بحسره ناديت
ترحل شلون............حمره العيون
بويه...بويه
==============================================================================
1️⃣
الفركه صعبه.........والتحبه
الـدمعـه مـن تـوكـع تنـدبـه
وكلشي واضح.....بالملامح
الجـان خـيمه اليـوم رايـح
~~~
ياضوه عيوني شعجب عايفني وحدي
مـن يـضل فـارغ مـكانك حـزني يبـدي
والـمـدامـع كـلـها طـاحـت فـوك خـدي
~~~
كلشي يسأل يا بو الحسين
باقي حـزنك تـارس الـعـين
وكلشي محزون........حمره العيون
بويه.....بويه
=====================
2️⃣
كلبي صاير........بعده حاير
وحـضرت كـل دمـعه باجر
صبري قاسي....من يواسي
بـدال راسـه كــــون راسـي
~~~
مـن نـزف راسـه ذبـل عــطـر المحـنه
مـن اختـفه صـوته تطـشر كل شملنه
مـن اخـتنك صدره بعد يا جف يلمنه
~~~
ابليله سـافـر والدمـع حـار
وحـشه ظلـت تـسأل الـدار
عمري مدفون...........حمره العيون
بويه....بويه
=====================
3️⃣
الحسن شفته..يبجي سكته
وتـجـري ع الـوالـد دمـعـتـه
ظهره مايل......حزنه واصل
مـن الفكـد أصـعب مـراحـل
~~~
وكل جفن خالي مـثل محرابه شفته
والدمـع نازل يـضل من فكده سـكته
من يـفاركنـه الهـوه يا روحـي مـيتـه
~~~
الحسن كلبه عليك مجروح
من البواجي صوته مبحوح
ودنيته اتهون............حمره العيون
بويه....بويه
=====================
4️⃣
شفنه الحسين...داير العين
يـم حـجــرتك زاد الـونـيـن
بصوته حسره...شاف ذكره
صـاح كــلبـي مـن يـصـبره
~~~
من لطم صدره نجمعنه اكـباله نسمع
من شفـت بعيونه كلمة حسـره تطلع
من عكب عينه صعب ينشفلي مدمع
~~~
الفركه صعبه وهدت الحيل
بشهكه يـخلص بعـدك الليل
شما يشيعون............حمره العيون
بويه......بويه
=====================
5️⃣
تدري زينب....كلبي شيب
مـن عـذابـك نـاره تلـهـب
وهذا عباس...دنك الراس
هـيه فـركه تهـضم الناس
~~~
ابحيره عايش كلبي ولجيته يتوسل
واليـتم كاصـد اجـه وحـلمي يتـبدل
وكصدت البابه نـشوف ايتامه تسأل
~~~
ماكو رجعه وسافر الماي
تبقه زينب تعطش هواي
وسافر الكون............حمره العيون
بويه.....بويه
==========================
محمد خشان
✍️
.
======================
https://telegram.me/aabas78
قصائد لكل ايام محرم اشترك بالقناة

ياعلي
(موشح)
يـجـري دمـه وهـامـتـه امعَصبينهه
زيـنـب ألـلـيـلـه الدمـوع ابـعـيـنـهـه
*------------------------*------------------*
زيـنـب ألـلـيـلـه تـشـاهـد حـيـدره
مـنـظــر الـهـامـه گـلـبـهـه كـسّــره
يـامـره الحـملـت حـزنـهـه يـامـره
حآيرّه اتضـل الـعـمـر وسـنيـنـهـه
*-------------------------*------------------*
انصبغت ابدمه الصميده شـيبـتـه
الَـعِـيّـن ابـسـيــف فـالـق هـامـتـه
امصعب الـكـرار ابـوهـه شـافـتـه
امدوهنه وتسأل حسن وحسنهه
*------------------------*------------------*
ابـشهـرِ الـصيـام ولفتهه الـنـايـبـه
ينطبر راس الـوصـي مـاحـاسـبّـه
جـرحـه ما ضنن طبيب ايـطـيّـبـه
لـلبـواچـي اتـريـد نـاس اتـعِـينـهـه
*----------------------*-----------------------*
الـعـقـيـله امصابهه ايبچي الـسـمـه
مـايـفـيــده إدواه حـمـاي الــحـمــه
شـافـتـه وذكـرت مصيبـة فـاطـمـه
حــارت أبـيـن الـوصـي وابـيـنـهـه
*---------------------*-------------------*
بـاچـر ابـنـوح الصـميـده اتـودّعَـه
وبـاچـر ابواب الـدمـوع امـشـرّعَـه
لـلـمـمـات اتعيش هـاي الـفـاجـعـه
أشتنّسّي وشيبَت علـي امخضبينه
*-----------------------*-------------------*
المصايـب بـس علـيـهـه امـسـجَـلـه
بـعـد هـيـهـات الـفـرح تـسـتـقـبلـه
تـسـتـمـر بـجـروحـهـه الحد كربـله
چـن اشاهدهه العده امـسلبـيـنـهـه
*--------------------------*------------------*
خادم امير المؤمنين روحي فداه
✍
الشاعر رعد الجريخي
https://telegram.me/aabas78
قصائد لكل ايام محرم اشترك بالقناة

بالسمه جبريل يصرخ ناده
طاح رييسـهه وجبير الساده
***
طاح خــيال الحــــرايب وارتجل
من ظهر مهــره ابو الحمله نزل
هذا خواض المنـــــــايا لو حمل
علي شيخ اعله الزلـــــم والقاده
***
حيف حيل المرتضــى من ينهدم
وهامه بالسـيف المرادي ينهسشم
حيدر الساحك على اخشوم الزلم
ينام راس المرتضى اعله وساده
***
شلون ناله الســـــيف ياكل العجب
الجيش لو طب حيدره كله ارتعب
موت احمر لوخز خـزت غضب
علي لوصال المعســــــــكر باده
***
علي لو هد عالفـرايس جالصكر
يكوم ذو الفقار يطــــبرهم طبر
الزلمه من حيدر لـون يكدر يفر
ينزع اهدومــــــه الامر لوفاده
***
يكلب الدنيــه لون رف شاربه
حكه من حلك المواضي يايبه
علي من اتخاف حتــى النايبه
شلون يوكع والتشـــيله اولاده
***
شلون يوكع جـبل تنزف هامته
علي اسم الله الجلـــــيل وهيبته
وعلي دين الهادي والله وشارته
الدين راد امن الصميده امراده
الشاعر ابو علي الركابي
https://telegram.me/aabas78
قصائد لكل ايام محرم اشترك بالقناة