قناة درب الحسین ضمان
دنیه مابیه امان ادریه
اسنیني بلخدمه ارید اکضیه
https://t.me/aazz09zz
انه الگضيت عمري اتوسل الجناز
چي يوميه شايل للكبر غالي
انه المكسور گلبي ابفرگة الوليان
اموت من الموادع تالي ماتالي
ردت واحد يضل يمي من اطيح ابضيچ
خلتني الكبور ابعازة الوالي
😔
💔
#للشاعرة
غدير الحساني
قصیده نخوه حق مولاتنا زهرا(ع)
فاطمه الزهره الزچیه
داخل علیچ ابرقیه
💧
💧
💧
💧
💧
💧
داخل ونخاچ بیها الیوم اجیتچ
ویای جبت الحاجه یمچ وعتنیتچ
وانتی متقصرین عرف لو نخیتچ
وانتی تعرفین بیه
وشگثر شابع اذیه
فاطمه الزهرة الزجیه
💧
💧
💧
💧
💧
الدنیه مافدیوم مره مفرحتنی
من مصیبه العد مصیبه متعبتنی
بداعت صاحت یعمه جرحو اذنی
البحبل شدو ادیها
داخل علیچ انه بیها
اریدچ اتفرجي علیه
فاطمه الزهرة الزچیه
💧
💧
💧
💧
💧
💧
سنین یازهره الزجیه اخدم ابنچ
طالبه یم‌الحسن فد طلبه منچ
باچر تحضرینی لو نادیت بسمچ
بالحد من ابقى وحدی
من‌اهلی محد یبقى عندی
والگبر یوحشه علیه
حضری یلزهره الزچیه
💧
💧
💧
💧
💧
💧
رایده باچر وگفتچ وکت الحساب
من ذنوبي بيج الوذن يم الطياب
انه وحدی بلا اهل وبلایه احباب
وحدی لاتخلینی حایر
بیچ الوذن انی باچر
اريد فزعاتچ اليه
فاطمه الزهرا الزچیه
💧
💧
💧
💧
💧
💧
💧
✍
کلمات انتظار الریاحی
#نعي
للولیان
یا فیت الولیان فیّه
وبفراگهم عالو علیه
وسکت عله العیله شبدیه
ــــــــــــــ
🏴
🏴
🏴
ــــــــــــــ
ینعال بیه اخلاف الجواد
موش الولي للضیج ینراد
صوابهم وسطه الگلب حاد
ــــــــــــــ
🏴
🏴
🏴
ــــــــــــــ
حزني غمیچ وسیست بي
وچنه رمح بالگلب یچوي
افراگ الولي یا ناس یعمي
ــــــــــــــ
🏴
🏴
🏴
ــــــــــــــ
من یومهم دربي تیهته
وراح الحنین و فارگته
ما عدي روح الاصد بیته
ــــــــــــــ
🏴
🏴
🏴
ــــــــــــــ
مالي گلب واحمل الفرگه
واخلافهم بلبیت شلکه
بس الصور گلبي تحرگه
ــــــــــــــ
🏴
🏴
🏴
ــــــــــــــ
تمت بعون الله تعالی
کلمات یاسمین الشموسي
نسالکم الدعاء
أحزان العترة الطاهرة
قناة خادمة ال البيت الحجيه ام علي البصره
لانجيز حذف اسم الحجيه ام علي من قصائدها غير مبرء للذمه
قصيده للزهراء عليها السلام
طور سيد فاقد
يروحي الاحبهم مشو عني شبديه
=========
تونين . يزهره . على فراش . المنيه
وادري . تروحين ييمه . من اديه
من ظلعج تونين
كوه يمه تحجين
وادري . تروحين . ييمه . من اديه
=========
ايروحي . شلون بيه . امي غصبن . ودعتها
وحدي ونيت . علحنينه . ودمعتي دم . نزلتها
خفيت علتي . وسط صدري . وكوه روحي . صبرتها
لمج صبري ياروح
ادري الكلب مجروح
بجيت علنعشج بجه حسين واخيه
وادري . تروحين . ييمه . من اديه
🏴
🖤
🖤
🖤
🏴
الفركه صعبه . عذبتني . البيت وحشه . شلون اجرعه
شلون اعيشن . عكب عينج . وشخصج شلون . انه اودعه
وصوتج الدافي . فكدته . وبعد ماضنن . اسمعه
لصوتج يمه حنيت
سنطه وخالي البيت
ضنيت . من اصيحن . تردين . عليه
ادري . تروحين . ييمه . من اديه
🏴
🖤
🖤
🖤
🏴
جان ضاوي . البيت كله . وجان يزهي تكول جنه
وهسه طافي . خلاف امي . ونه وتسابكله . ونه
بعد شيرد . الحنينه ريت ترجعلي . انتمنه
صعبات الاماني
طشرنه زماني
مامرت عليه مثل هاي الرزيه
ادري تروحين ييمه من اديه
🏴
🖤
🖤
🖤
🏴
جنت افرح . من اشوفج . يلحنينه . كبال عيني
احسابي ضايع . ماحسبته . مني ترحين . وتنكريني
ابد ماهزج . مصابي . ولاتسمعينه . لونيني
سمعي ونت الروح
بيه كثيره لجروح
خلصت عشرتي وياج كضت وهاي هيه
ادري تروحين ييمه من اديه
🏴
🖤
🖤
🖤
🏴
يمه كعدي . من منامج . على صوتج . تعودينه
عليج ادور . مالكيتج . وين رحتي . من ادينه
يمه ناديت . وماسمعتي . صوت وني . يلحنينه
امشي ريت وياج
سل العظم فركاج
راحت ماتجينه انطفت يالثريه
وادري . تروحين . ييمه . من اديه
=========
خادمة ال البيت الحجيه ام علي البصره نسألكم الدعاء
يـــا ابـــــاالـــــفـــــضـــــل الـــــعـــــبـــــاس
یبحر البل الکرم والجود مدیت
اجــروح الگلب یا عباس مدیت
عله بابــک اچفوف العوز مدیت
وریدك حاجتي تگضیهه لیهّ
#الشاعر_الکبیر_عزیز_الفیصلي
لبيك ياحسين ع
نعي لزهراء ع عن لسان حال زينب ع
روحي يالشلت بامي شلتها
جميع اعضاي يالحادي شلتها
مشت وبدارها ضلت شيلتها
اشمها من تعن امي عليه
نعي
بس شيلتج بالبيت ضلت
روحي بتوالي اليل حنت
اشم ريحتج والروح ردت
عليه ييمه من تعنين
يهمل دمه مودمع بالعين
وين الكاج يايمه بعد وين
وين الكاج وايعود وكتنه
وترد المحنه ويرد فينه
تعود اليالي بكعدت امنه
تعودين والكعدات تحله
والبيت يزهي من نطبله
وفي الوالده نكعد بظله
تعودينه والكسر يجبر
يخيمه التحت ضلها انتستر
يحاميه من البرد الحر
فيه الوالده لوكشع وشال
ايطش الشمل واتيه العيال
يفكد تجيته الحمل لومال
والماله ام بالبيت تكعد
مثل غريب ايروح وايرد
ضعن المحنه عليه مبعد
ون حيل يالفاكد حنينه
واتذكر الضلت الحزينه
وجه الزجيه اتكول وينه
بالباب تكعد كل مسيه
يمه اتصيح والدمعه جريه
وحشه البيت ردي يالزجيه
✍
أم زينب كربلاء
نعي بحق السيدة فاطمة الزهراء ((ع))
يشمعة بــيـت حيدر مظلم البـــيــت
وحسين وحسن ضــــلـــــوا ينحبون
وزينب فــارشــه اهدومچ يـــزهــراء
وتنگعن دمـــــــــع من فيض الچفون
والجندل زلــــم والقـــــالــــع البـــاب
مـــــا يگدر يشيلچ هدله المــــتـــون
چــــان النور شاع ومزهره الــــــــدار
اليـــــــوم النــــــور شيعوه اليشيعون
عطر ورد الحـــــدايـــــق بالحزن ذاب
ومحنيه بقت يــــالــــزهــــره الغصون
تهل ضلت دمـــه عين المـــــجـــرات
وعلى امصابچ يفاطم ينحب الكــــون
عجيبه شـــلـــون جرئوا دفعوا البــاب
واصحـــاب الجهل گدروا يــــــدفعون
الماشافوا ضيـــــــــائچ تـــارس البيت
اشك يم الحسن مــــــــــاعدهم عيون
أكسروا خــــــاطر علي مثلچ بالمصاب
باچـــــــر للنبي مــــــدري اشيكولون
الهشم صدرچ يزهره بچف الاحــقـــاد
يلعنه الله ورسولــــــــه ويبقى ملعون
*---------------------*--------------------*
✍
بقلم خادم الحسين ع
سيد وسام
☘️
قصيده للزهراء ع
☘️
تقرأ // بعدة اطوار
هاي الوالده الماينسى رباهه
عمت عين التراب شلون غطاهه
🏴
🏴
🏴
هاي الوالده ام ريحه الحلوه
يايمه حنانج للكلب سلوه
وفراكج صعب ماينحمل بلوه
ياجلمه اليمه وياج شلناهه...
هاي الوالده الماينسى رباهه
🏴
🏴
🏴
تركتيني وغبتي ليش عن وجهي
دارج خاليه جا طبّتي شنهي
وجلماتج ابالي ظلت و تزهي
مُر وما اريده يوم فركاهه...
هاي الوالده الماينسى رباهه
🏴
🏴
🏴
ماينراد يومج يم حسن ردي
حنينه انتي ييمه وغيرج شعندي
فارغ بيتنه منعندج وجدي
حفار الكبر ادفني وياهه...
هاي الوالده الماينسى رباهه
🏴
🏴
🏴
مالي روح يمه اتذكر مصابج
كلما جيت يمه اكعد ابّابج
دمج يم حسن مطبوع بعتابج
وهايه عملتج كولي شينساهه...
هاي الوالده الماينسى رباهه
🏴
🏴
🏴
خلص صبري بعد مااحمل الفركه
وروحي ناحله ولهفانه للملكه
بكلبي نار ظلعج تجوي بحركه
بعد كعداتنه جا وين نلگاهه...
هاي الوالده الماينسى رباهه
🏴
🏴
🏴
٨/ربيع الاول/١٤٤٣
بقلم شاعرات اهل البيت عليهم السلام
✍️
☘️
ام فراس الساعدي
☘️
وام روكان الشمري
غير مبري الذمه لكل من يغيير الاسم او ياخذ كلمات القصيده وينسبها اليه