الشاعر علي الشُباني

بس روحي ملح
آني وياك وأردي الكلمة بردانك صبح
وأدري مايفون صوتك ..... وأدري المشاور الفاسد
ما يسد حوبة جرح
لا وحگ حوبة جرح
..................................
علي_الشُباني
من قصيدة (قصائد)
٢_أيام_العطش

نخله زغيره هناك واگف بس الك مر يا نهر
......................
علي_الشباني
مرةً أُخرى ، بسبب أشتراك أحد الصَبْوات
في القناة ..

جِسِتْ رُوحه .. جاسْني بِطَرْفْ الكَلامْ
جِسِتْ خَدَه.. لَنه مايعْ والسَلامْ
هذا ما ينْجاسْ طُولَهْ
نَخلة تِخْدَرْ مِنْ تَغارِيدْ الغَرَامْ
إمنينْ أَجِيسهْ..!
كِلّه سِلّهْ
وآنه ذابِحْني الغَرَامْ .
...........................
من أرشيف الراحل
علي_الشباني
1946-2011

سيذهب إلى الحلاق
سيحلقون لحيتهُ وأنفه
وأذنيه وشعره ..
لكي يشبه الجميع!
• تشارلز سيميك

أجمل الهدايا وأعزها عندما تصلك من صديق أصرّ أن أُفتش عن نفسي في أعماق الدهشة العميقة.. ففهم الشعر يتطلب منا قراءة تأريخه كاملا وليس الاكتفاء بما قيل ويُشاع..
.
.
.
ستار_محمد
علي_الشباني
أعظم ما وصلني

مهرجان المؤتمر الوطني العراقي الأول - محافظة الديوانية - حزيران 2003 / الشاعر العراقي الكبير علي الشباني ( رحمه الله ) - قصيدة دكتاتور - قصيدة نادرة للراحل الشباني / الفيديو يعرض لأول مرة
...............
الراحل.ــــــ.علي الشباني

*بيان موقف
لم أُفاجأ برفض عملي من المشاركة ضمن فعاليات مهرجان يُعنى بالقضية الحسينية، لأني أتعامل مع المسرح كمحاولة في تنوير العقول وتحريرها من الخرافة، فالمسرح وكربلاء الحسين ع، يمثلان بالنسبة لي انتفاضة فكر وضمير، فأي مسرح هذا الذي يقف بالضد من المشاركة النسوية في الأعمال المسرحية، ويرفض تسليط الضوء على ثورة تشرين التي هي المثال الحقيقي للمسرح والاحتجاج العاشورائي، وبكل صراحة أقولها أنني سعيد جداً بقرار منع عملي من المشاركة لأني لا أسمح لنفسي أن أكون تحت يافطة مدعومة من أيديولوجيات تعمل على تجهيل المجتمعات، لأن المسرح أولا وأخيرا هو الفكر وليس شهادات فارغة وعناوين سمجة، أما قصة اتهامي بالجنون فهذا وسام أُعلّقه على صدري ما حييت، لأني أنتمي لمدرسة المسرح المضاد، مسرح انتونان آرتو، وميرهولد، وشكسبير، هؤلاء المجانين الذين ارتقى بهم فن المسرح إلى الأعالي، وأما عن الصراخ الذي حدث في القاعة، فهذا أعظم عرض مسرحي وسيتذكره الجميع.
.
.
.
الفنان ستارمحمد

-1-
إمش كوّه
غريج ويمشي حد المات... والخوّه
بعد مامش ولك خوّه
بعد ما يسهر لحزنك صديقك باب
وإنتَ كتاب
وأوراقك حرز... وتراب
ظّل ميّت... ولك دنياك عميه وما يفيد كتاب
والوادم بحر... شيوصل الغرﮔان
والدنيا سفينة خوف... مفتاح وخذه السفان
روحك يا سفينة خوف... والشاطي خذه السفان
يا درب الخناجر يمشي وأهس بيك...
وين تموت بالدم عار
ودنياك أبحرت بالنار
وإنتَ تصيح
دربك ريح
ﮔوم... وطيح
وإعبر.. كل جسر محروﮒ وتلوّه
إمش للموت... إمش ﮔوه
.........
-2-
إخذ روحك... تصل للموت
إخذ روحك، تجي بدمك شمس تركض...
يطﮓ بعضامك الليهوب
والدنيا ذنب يكبر...
ولك تزغر بيوم اتوب
بعضامـﮓ يجي الليهوب
وسافه اتوب
يلسرّك يغرﮒ الحوت
يلروحك بعيد تموت
يلممشاك كل خطوه مسارات...
وصبر ليل انترس بيبان
وإنتَ ولا تخضّر فوﮒ عتبة باب!
وإنتَ ولا تطيح ويه المطر... سالوفه ترس الدم
ولك ما ورّد بروحك نده الحالوب
وسافه اتوب
لو دمك يتيه بعاليات الصوت...
لو يصفن
إخذ روحك شمس تفتر...
تصل للموت
وتظل صـوت
...........................
الراحل_المجدد_علي_الشباني
قصيدة ( أسرار ١٩٧٠)

مقطوعة من قصيدة ( ملحمة بيت ١٩٩٠ )
كتبها الراحل الأديب الشاعر حيدر الشباني ..
لاخيه الراحل الشاعر علي الشباني
رابط القصيدة كاملة :-
https://youtu.be/qx7rVqEK5RQ?si=42u9PrZ2NidiL6Xq

تصعد للشمس تحصد ضوة للناس ..
ترجع محد متانيك !!
قمة الخذلان والأنكسار
الشاعر الوالد علي الشباني
🤍