الشاعر أياد عبدالله الأسدي

ابسلامك ولعتني ،، چاتليتك
شني؟؟ اوخوفي من الايه ،، جا تليتك
#

فراگك نگعاني خمر ..ونوب
الهوى طگني وخاف احچيك .. ونوب
شوصف وني يوم مشيت .. ون اب
مشه يدفن عزيزه بمغربيه
..

يچيمون اعله حرگي ،، وبچي يمهم
استلذ ،، سيف بدليلي ،، وبچي يمهم
عايف حضن امي ،، وبچي يمهم
گبل نشفت ادموعي اگطعوا بيه
،،
ياهو الگال ضيمي ،،، كله من هم
هذا اغيار وجهي ،، كله منهم
عيوني بدمع طفله ،، كله منهم
ولهمّ ناب اعله ناب انطبگ بيه
..

بِس اخَاف اتمِرجح برمشَك واطيح
وخِايف دكلي طحِت مَن عيِني
……

الشاعر أياد عبدالله الأسدي
pinned Deleted message