إستشارة طبية
معلومات طبيه عن كثير من الأمراض
متى أقرر انجب الطفل رقم 2 او الطفل الثاني ؟
و متى اقرر اجيب الطفل رقم ٣ او الطفل الثالث ؟
اغلب الاجابات في بوست سابق كانت هي وجود استعداد نفسي و تفرغ
قسم اخر جاوبوا على السؤال ماديا و كالوا مليون الى مليون و نص دينار شهريا واردنا يلا
قسم اخر اقترح انه من يملك الشخص بيته المستقل يلا ينجب الطفل رقم 2
و اكيد نسبه لا باس بها من التعليقات تؤمن بان الطفل من يجي يجي رزقه وياه
مو من حق اي احد بالدنيا يقرر نيابه عنك شوكت تنجب طفل رقم 2 ابدا
بس من حق طفلك الثاني ان يعيش حاله حال اي طفل في العالم
مو ان يقدم له حليب مخفف حتى تطول علبه الحليب اكثر
و لا ان يشرب حليب اكياس و هو عمره اقل من سنه ( حليب سعره مناسب يعطى لاعمار اكثر من سنه )
و لا ان يخلط مع حليبه ماء رز حتى يطول اكثر
ان يعيش في مكان نظيف صحي واسع مريح غير مزدحم مكيف جيدا بالاخص اذا كان عنده تحسس قصبات او ربو
و من طفلك الاول عنده تحسس قصبات من الواقعي جدا انه ما تجيب طفل رقم 2 الا اذا استقل الطفل رقم 1 بغرفه منفصله حتى تقلل معدل التعرض للملوثات مثلك مثل الاب اللي ترك التدخين لان ابنه عنده تحسس قصبات
من حق طفلك رقم 2 ان ينال من التعليم و الرعايه الصحيه الجيده اللي يستحقها اي طفل بالعالم
و الكثير الكثير من التفاصيل يحق لطفلك رقم 2 ان يتمتع بيها حتى نوع غسول جسمه و غسول ملابسه و سريره و نوعيه ملابسه
يوم وفيت بكل هذه المتطلبات
و امتلكت الوقت و الجهد الكافي
و ابدا ماكو بقاموسك ( مو هم ٢ او ٣ او ٤ ويييين الحك )
فاهلا بطفل رقم 2
دمتم بود
هذا لو فكرنا بيه ما كان نزلنا بالكروبات اني اضرب جهالي هوايه لان تعبت منهم
او اني ما عندي فلوس اصرف عليهم !
او مثل ما اشوف من امهات منهكات متعبات و إباء متعبين يشتغلون من الصبح لليل علمود لقمه الخبز
الصوره معبره
مو الا تمرين بيها
زمان اهلنا غير زماننا
فكري جيدا و فكر جيدا
محد راح ينطيك من تسويهم ٦ اطفال او خمس اطفال او ٤ اطفال او عشر اطفال
$$$$$
د. سيف سمير البياتي اخصائي طب الاطفال
$$$$
تابعوا قناتنا ع التلگرام رابطها
👇
👇
https://t.me/doctoristishara1
هو صدك طفلي اشوفه فجاءه كبر ؟!!!
هو شنو موضوع طفرات النمو !
هل هي حقيقيه ؟
لو مجرد خيال
هو شنو سالفه النونو اللي على غفله صار الحليب ما يكفيه و كام يرضع و يتقيء و يرجع يرضع و بس يريد يرضع !
الصدمه انه طفرات النمو حقيقه مو خيال
و بعد دراسات موسعه عن الموضوع اكتشفوا انه فعلا النمو يحدث بطفرات
يعني اطفالنا ما ينمون على طول الخط
و إنما على شكل طفرات
يعني ممكن فعلا انه تحس الطفل بدا اسمن أو اطول او راسه أكبر!
أشهر من اشتغل على موضوع النمو بالطفرات هي العالمه الطبيبه ميشيل لامبيل
ميشيل تؤكد أن الطفل ممكن يطول إلى حتى ٩ ملمتر خلال ٢٤ ساعه في زمن الطفرات!
طيب شنو علامات الطفرات بالنمو؟
1. زياده الرضاعه
2. صعب الشبع
3. اضطرابات نوم
4. اضطرابات مزاج
الطفرات هذه عندها زمن معين؟
اي نعم بعمر اسبوعين و بعمر ٣ أسابيع و بعمر ٦ أسابيع و بعمر ٣ أشهر و بعمر ٦ أشهر و بعمر ٩ أشهر
بعدها تبدي تقل و تقل و تقل إلى أن توصل بين فتره و فتره يعبر فيها طفلك صاحب ال٤ سنوات عن آلام بالساقين ليلا ليبين حدوث طفرات النمو لان النمو يحصل ليلا فقط
ميشيل لامبيل تؤكد شي واحد فقط أن النمو كان يحصل فقط ليلا بوقت النوم
لذلك لا تكول طفلي ليش ما ينمو و هو سهران
النوم اساس النمو
النوم اساس المناعه
دمتم بود
د. سيف سمير البياتي اخصائي طب الاطفال
$$$
تابعوا قناتنا ع التلگرام رابطها
👇
👇
https://t.me/doctoristishara1
الطريقه المثلى حتى تكونين ام هادئه :
كم نصيحه حتى تكونين ام هادئه
محد يكول الامومه سهله
بس تحتاجين الى ضبط النفس و الكثير من ضبط النفس حتى تكونين هادئه و مرتاحه
و اليك النصائح :
١. سامعه بالارشادات الجويه من تسمعين المضيفه تكول اذا صارت حاله طارئه خلي الاوكسجين الك اولا ثم لطفلك
هذه هي الحياه كذلك
اهتمي بنفسك اولا و بعدين بطفلك
صحتك مهمه للحفاظ على نفسك و على طفلك
٢. خلي حدود لطفلك
ماكو شي اسمه مو ما يقبل
مو هو يحب فلان شي
منو دا يربي منو ؟
محد كالك راح يطيعك مباشره
بس لابد تخلين الحدود و القانون
مثال
ما اكل الا تنطيني التلفون
انت تنطين التلفون
شسويتي ؟
عززتي مبدا العياط و القوه عنده و بينت مدى ضعفك امامه
٣. اتركيلي العاطفه خارج الموضوع
التربيه مو سهله ابدا
من تجي نوبه بكاء هستيريه حتى يحقق اللي يريده
لا تخضعين لطلباته
خلص لن اوافق
مره مرتين و يبطل
٤. ما كدرتي الا تصالحيه و الا تراضيه
و هو موضوع صعب لآي ام و لآي لاب
اؤكدلك التربيه اهم من العاطفه
فاعزلي نفسك
و ابتعدي عنه
و من تحسين نفسك صرتي بموقف قوه
رجعي تعاملي مع الموقف
بدووون عاطفه
٥. افهمي طفلك
جوعان؟
نعسان؟
مره كتبتلكم كانوا الاولاد من يجوعون يعصبون و يبجون لاي سبب حتى لو تافه
بعدين كمت اعرفلهم انه هم جوعانين
من تقدملهم الوجبه ياكلوها وراها مزاجهم يتحسن
و الامور عاديه و لطيفه
لذلك اسبقي العاصفه و كوني سباقه و اعرفي اللي يوترهم
٦. التربيه هي الروتين
مو مثل اللي كاعد نشوفه
وقت نوم براحتهم
و غدا براحتهم
و اكل براحتهم
التزمي بجدولك
فطور غداء عشاء
و بين الوجبات
خليك دائما تعرفين انه الروتين هو سر النجاح بتربيه طفلك
طبعا عدا الوجبات كلشي ممكن يخضع للروتين
٧. ريحي مخك و مخ اولادك فتره
يعني مو تخليه ٤ ساعات يحل واجب المدرسه انطيه فتره راحه
نفس الشي انت من اولادك كبار
ارتاحي
تفرجي تلفزيون
اخذي غفوه
روحي صالون
انت لازم ترتاحين و طفلك كذلك
التربيه مو معناها اكعد كدامهم و احاسبهم على الهواء اللي يتنفسوه
٨. ارتاحي
يمكن النقطه انعادت مرتين و ٣
اي ارتاحي
انت مو المراءه الخارقه اللي تتصوريها
و ماكو شي كامل
ارتاحي
٩. سوي شي انت تحبيه لنفسك بعيدا عن الاولاد !
التقي بصديقه
تصفحي نت
اقري كتاب
انت مهمه لكل البيت
١٠. اقضي الوقت ويه الاطفال
العبي وياهم
احجي وياهم
شوفي شنو يحبون
شنو يكرهون
سولفي عن طموحاتهم
١١. ابعدي الالهائات
اكيد اني و انتم ضيعنا الكثير من الوقت و احنا نتصفح الموبايل
بس هذا شي لازم نحاسب نفسنا عليه
اني اكتب هذا البوست و الاولاد نايمين
ابعدي الالهائات
اشوف امهات عايشين بالتلفزيون
و مخليه اولادها عايشين بالتلفزيون
و بعدين تعصب عليهم
و تعيط
لحظه اهدئي
انت اولا من ضيع الوقت !!
١٢. لا تبالغين بكثر التوقع
كلنا شايفين هذه الامهات و الاباء اللي يكولون على اطفالهم اذكياء و هو عمره ٥ سنين ما يعرف الالوان !!
طيب وين الذكاء ؟
ما علينا
ماكو شي يتم كامل
لا تعلين سقف طموحاتك
ماكو طفل مثل الملاك هاديء و حباب و ياكل و ما يخرب
الاطفال عادي يكذبون و يخربطون و يوسخون انفسهم و اللي حولهم
بس بالتربيه يتعدلون
١٣. تذكري بنص هذه الملحمه اللي اسمها الامومه انه طفلك كائن حي اله حقوقه
لا تغصبيه
لا تجبريه
لا تكولين عليه اريده سمين لان بشر مو خروف
تعاملي وياه كانسان كامل
اسالي رايه
مو الا تنفذيه بس اساليه
حسسيه بانسانيته
١٤. خلي يساعدوك
و ليش ما يساعدوك
بنات او ولد
سوي جدول الهم
الام الحقيقيه هي اللي تعرف تستغل كل جهد حتى تتفرغ لنفسها اولا و لاولادها ثانيا
مو انانيه ابدا
بس انت محور البيت
و صحتك و سلامتك اولا
د. سيف سمير البياتي
اخصائي طب الاطفال
يفرز جسم الامهات هرمون الكورتزول (هرمون التوتر) بنسبة اكثر من 97% من اعلى المهن المدفوعة بالعالم... عندما تقضي يوما كاملا مع اطفالها !
يعني شنو؟
يعني اكو مهن بالعالم بيها توتر ومخاطر عاليه جدا بحيث يقضي العامل بيها ممكن 3 ساعات / 4 ايام بالاسبوع
مثل الي يصعدون على ابراج الطاقة
أو الي يتعامل مع تفكيك القنابل وغيرها بحيث الي يشتغل بهيك شغل اله اوقات راحه غير عن باقي المهن
زين الام ليش هيج تتوتر شديصير ؟؟
اني اكللكم شيصير
مثلا كاعدة تقري ابنها الي عنده ثاني يوم امتحان وهو ديتصرف بلا ابالي، وهي لازم تلزم اعصابها وماتحاول تبين هي متوتره ولا شايلة مسؤليه الموضوع
وبنص هاي الحالة الي لازمه بيها اعصابها بطرف خيط
تسمع صوت شي انكسر
تكمز واذا بالطفل الثاني موكع كلاص
الزجاج المكسر صاير مبروش
تتخيل كميه التوتر؟
بين تدير بالها لا ينجرح وتلم الهوسه وبين بالها يم الي عنده باجر امتحان وهو لا ابالي وصارت دنيا مغرب وبعدها ما مسوية العشة
😆
ناخذ مثال ثاني
دتنوم طفلها الرضيع الي سهران من البارحة مانايم لان عنده مغص
وهي طبعا هم ميته نعاس
والى ان غفى اخيرا وهسه دتجر نفس تريد تنام وياه يبدي يندك الباب واذا باحد الجيران تذكر هسه يزورها
تكول لهم الطفل مريض نايم يكولوها ميخالف خلي نشوفه تكلهم مو زين عليه يكلولها لا شدعوه قابل ما مخلفين قبلج خايفه عليه شدعوه وينه جيبي وهي بين نعاسها وتوترها لايكعد من صوتهم وبين شلون تتخلص منهم بدون ماتطلع بنظر المجتمع (شايلة خشمها وماتحترم الخطار...)
وهاي المواقف تصير بشكل شبه يومي خصوصا من ماكو معاونه
😃
عرفتوا هسه ليش الامهات تصيح هواي تعبانه
وليش مزاجها يتقلب هواي ؟
ساعدوهم وساندوهم وقدمولهم كل الدعم لان الي يسووه مو قليل ولو يتثمن بثمن... ف اذا نصب الامهات بقالب ذهب مايوفي
♥️
د.اسماء البدري
انت حامل وبهالحر الله يعينج ويرزقج مولودج بصحة وسلامة
شربي مي وابد لتنسين شربي مي مي شربي ترة اغلب المريضات ديجون جفاف والتهاب المجاري البولية والي اذا زاد ممكن يسببلج مشاكل مزمنة بالكلية اضافة الى احتمالية الولادة المبكرة
خليكم محافظين على طبيعة اجسامكم وصحتها قبل الحمل لتفلشوها بروتين غلط وصدكوني احنه نعرف المريضة الي ماشية صح من طبتها للعيادة من بشرتها من السونار كلها تبين اذا هي ماشية صح بالحمل
كثري سوائل
ابتعدي عن التوتر وقلة النوم شكد متكدرين
اكلي اكل طازج مو معلب
قللي الاكل من برة شكد متكدرين
قللي الكافيين يعني شاي بيبسي قهوة كلها اقل مايمكن
اشربي سوائل قليلة السكريات ممكن عصير طبيعي بس بالدرجة الاولى مي
💕
د رحاب مجيد شريف
الماده البيضاء اللي تغطي الطفل اول ما يجي للدنيا
احد مفكر بيها ؟
هذا البوست يشرح شنو هي
الماده البيضاء هذه اسمها
Vernix caseosa
و ترجمتها العربيه هي الغطاء الجبني
لان شكلها مثل الجبن الابيض اللي يغطي الطفل
تغطي الطفل كله
و تتكون من تقشرات الجلد و الافرازات الجلديه و تغطي كل الطفل
هذا هو مصدرها
و من اهم وظائفها :
اولا تحمي جلد الطفل من السائل اللي يحيط بيه
كلنا شايفين شون من نبقى بالماء فتره طويله شون يتشقق الجلد
هذه الطبقه تعزل الجلد عن الماء
ثانيا
ملمسها اللي حاسها من امهاتنا يعرف انه هي مثل الجل فتساعد على خروج الطفل بالولاده الطبيعيه
طيب دكتور ضروري نشيل هذه الماده لو لا ؟
ماكو شي مثبت ١٠٠ % بس اكو دراسه تكول انه يحمي الطفل من الالتهابات فلذلك لا نستعجل بغسلها
بس اذا قررتوا تغسلون الطفل مو مشكله و لو الأفضل تاجيله بعد ٢٤ ساعه من الولاده
بس اهم شي الغسل ما يشمل السره و الا يلتهب
معلومه غريبه أخرى تكول
انه الام من تشم ريحتها لهذه الماده تصير أكثر سعاده و تتنشط مراكز المكافئه عدها و تحس بالسعادة
😍
😍
و شنو رايكم بالمعلومه ؟
د. سيف سمير البياتي
اخصائي طب الأطفال
انتشر هذا المنتج في هذه الايام بصورة فضيعة ، مكتوب عليه كولاجين لتسمين ونفخ الخدود والتبييض....الخ ، وكالعادة اعداد جداً كبيرة من الناس تزاحموا ع شرائه ، طبعا البائع اصحاب السوبرماركت ، بعد ايام قليلة ع انتشاره بدأت تتضح مضاعفاته ، نحول فضيع ارتفاع السكري ، قصور الكليتين والغدة الكضرية ، ضهور حبوب وبصورة فضيعة وكثيفة ع البشرة ، ضعف الانتصاب و غيرها..
كل هذه الاعراض هي علامة على ان هذه المنتوجات تحوي المواد الستيرودية التي تسبب كل هذه الاعراض ، لا أعرف إلى متى يستغفل المواطن نفسه ويبادر إلى شراء مواد غير معروفة اصلا ، وبالمناسبة لا استبعد طرح هذه المنتجات بالصيدليات على المدى البعيد لأن لاحظوا عليها اقبال و هو يعتبرها سوبرماركت وليس صيدلية والاهم هو الربح مثل الذي حصل مع بمنتجات بوما وغيرها..الخ التي ملئت الصيدليات .
هنا قد يسأل سائل دكتور لاحضنة ازدياد بالشهية و زاد الوزن ، وهذا امر متوقع لان من ضمن الاعراض الجانبية لهذه المواد زيادة الوزن عن طريق احتباس السوائل التي ممكن ان تسبب عجز في القلب بالاضافة الى زيادة الشهية.
لا اريد ان اطيل عليكم ، هؤلاء اصحاب النفوس الضعيفة يقوموا بطحن هذه المواد وبيعها ع شكل كبسول ، فوار باودر او غيرها والكارثة يتم الطحن بكميات كبيرة تفوق الخيال بحيث ان الاعراض التي ممكن ان تحصل خلال اشهر من الاستخدام تحصل خلال ايام ، احيانا هذه المواد حتى ممكن تسبب زيادة في ضغط الدماغ.
انا متأكد بعد كل الشرح اعلاه سوف الاحض في التعليقات ترويج لهكذا سموم ، وناس مغفلين ايضا يسألون أين تباع.
رزقكم الله دوام الصحة والعافية