قروب شعر ( التويتر group_she3er )

لا تنادي للمقفي" ولا تهيم بـ كل وادي
القلوب اللي تحبك ماهي بحاجة عزيمه .

في البال ذكرى ترفض النسيان ..

حداك الصمت وأتعبك الملام وسلوة السالين
وتخاطفك الحضور اللي يبدّد وحشة غيابك
" تعال وكل دمعة من عيونك خلّها بعدين "
أنا فرحة سنيني عطرها من رمشة أهدابك
عليك من القصيد اللي يعرفك فالقسى واللين
و عليّ من الشعور اللي يحبك و يتباهى بك

تعال خل القلوب تبوح خافيها
ترا المفارق عذاب وحيّةٍ رقطا
بكره ليا جرّت الفرقا خطاويها
وش فايدة طقة الإبهام بالوسطى
عطيتك أوّل طموحاتي وتاليها
وقلبٍ ليا هام في بحر الغرام أبطى
ما باقي إلا الكرامه مقدر أعطيها
كرامة النفس لا توخذ ولا تعطى ♡︎ ..

فمان الله والعذر السمين أبلغ من التبرير
عفى الله عن خطايا اللي خطايانا على شانه
فمان الله يالغصن الليِّان اللي هَجرك الطير
هذا طيرك يبلغك السلام بروس جنحانه
سمحت من المحبه وسامحني على التقصير
وصلنا أخر حدود العشره اللي مالها خانّه

عسى ربي مايكتب في حبنا نهاية
وتعيش لي واعيش لك كل العمر

إن عيّت الدنيا تجينا على الكيف
حنا على درب الصبر قد مشينا .

أنت الرجاء يا مِنزل القرآن في شهر رمضان
محتاج في قلبي وفي وجهي وفي مسعاي : نور
أدعيك . . واخشى من عذابك وارتجي منك الجنان
مالي سوى عفوك ملاذ . . ألوذ به يوم النشور
عندي يقين بـ رحمتك يا رب ، وانت المُستعان
من رحمتك ؛ وشلون يقنط من يعرف إنك غفور

لا تبالي لو تطيح نجوم ليلي
من يشوفك ياقمر يرتاح باله

انت حاجة نادرة في ذا الزمان العادي
درة ٍ في غُبّ بحرٍ ما حدٍ واصلها