ذائقتي الفنية
Under management
:
@AIqahtani
ماني بمتولع لكن ميتٍ فيه
في ذمتي ذمه وذمه وذمه
لو ان حبه سم وتمده يديه
علي الحرام اني تقهويت سمه ...
سرا الليل والقمر ساطعً نوره
واستوى لي الخط ونيتي نيه
حكمت قلبي حكم اخو نوره
الي على خيله بناء السعوديه
على اللي يحسب معزي العود راح
الدار في ضف عود وهيبة عيال عود
المملكة كل يوم تعيش قصة نجاح
ولا عليها من أصحاب النجاحات زود
من الثقة في الهوية والغرور المباح
يدير امور الدول في الخيمة ام العمود
انساك هذا سابع المستحيلات
والمستحيل اعود لك خاضع الراس
حبك بقلبي حي لو مت ما مات
يضرب على قبري مراويس واجراس
لا حل الرخا ما عاد تفرق جميع الناس
لكن الشدايد تظهر المعدن الفارق
سحابه وليل وعج كيف برسل العساس
وهي عرضت من دون راعد ولا بارق
زمان العجايب يجرح الخاطر الحساس
ولا ينجي المسروق من حيلة السارق
لكن التجارب مدرسة كل طيّب ساس
مايدري بها اللي في منام الكرى غارق
يا طارق على ( باب الفرج ) لايجيك الياس
بيفتح .. مثل ماقد فتح الأندلس طارق
فيك النـوادر من قصيد الجزاله
يامصوّر الابداع في قفر الأبيات
" شهور ما بادرتني في رساله "
عسى البلا من شركة الاتصالات
ياشوق ماسويت فيني جماله
ذبحت صبري وإستبحت الملذات
قلبي اللي لذيذ النوم حارب عيونه
يوم فكرت حالي جزى النوم عني
والسبايب وليفً عاوي الذيب دونه
لا لفتني مراسيله ،، ولا جاه مني