Jadriya Wolf
قناتي الشخصية الخاصة انشر بيها اليعجبني وكت ما يعجبني ... شيطگ بمزاجي انشر ... والمايعجبة يطگ راسة بالحايط والياخذ على روحة خلي يرفع قضية بالمحاكم ويطششني .
القشلچية واليلچية والطائفيين النرجسيين وچلاب الناشطات غير مرحب بيهم هنا
5-7-2019
صدگ ... قزة وامتداد شلونهن؟ شخبارهن؟! شخبار سالفة انتخبوهم وصعدوا للبرلمان چم واحد وبالدورة الجاية نزيدهم
الطوفان شلونة؟! منو طوف بالطوفان؟
طبعا لو موجودة هاي وسائل التواصل الاجتماعي بال٢٠٠٥ و دورات الانتخابات الأوليات ... چان شگد انحفظت عدنا مقاطع وافلام وبيانات ومقولات لمعممين وشخصيات حوزوية چبيرة أو صغيرة ومعتمدين ومن هاي النماذج ... وچانت تدعوا لانتخاب فلان وعلان وتحرم وتحلل وتحچي بالمذهب والمدري شنو
ونفس حچي الي دنسمعه عن سالفة قانون الاحوال الشخصية... الي عمليا وتقنيا المرجعية كشخص المرجع أو المكتب أو بيان موثق مكتوب ... ماكو وما موجود
بس منظومة المعممين تحچي بالموضوع والمرجعية والدين وتحشد الناس بهل اتجاه ... وهسه ورغم كل هاي المقاطع الموجودة والبيانات والتحشيد والتشجيع والترويج وبعد سنين من يتطبق ويبين فشله أو عدم جدواه وبؤسه
يگولولك المرجعية ماعليها ... وشعليها واحنا ماعلينا ومن هاي الاسطوانات
وهاي حال الدنيا والعراق والعراقيين
عود ليش طائفي اذا احتفل ب٩ ربيع؟
هاي الأكراد تحتفل بنيروز الي مقتل " الضحاك " الي هو ملك العرب ويوصفوا " تازی " وهيه اسم لغة العرب القديم بالكردي والفارسي ... واصلة من الحجاز أو اليمن ومضطهد الأكراد ... اصلا عدهم الضحاك هو ابن ابو العرب ... الي بطريقة ما هذا الضحاك سيطر واجوا الفرس والاكراد انطوا الحكم بس هو غدر بيهم
وهاي يشعلون النار والدبچ والاحتفالات لان الحكم العربي الظالم إنزاح عن الأكراد على يد البطل كاوة الحداد مضطهد الأكراد والي ياكل جهالهم وبي كل تأثيرات وعلاقات وية ابليس
الأكراد يحتفلون واحنا هم نحتفل وياهم... عادي كلنا وطن واحد وماكو تفرقة
احنا نحتفل ٩ ربيع ... ما يصير
هم شفتوا كردي گال للأكراد لا تحتفلون لان مشاعر العرب؟!
المهم هسه يجوز حديث الامام من گال " وهو اليوم الذي يظهر فيه قائمنا وولاة الامر، وهو اليوم الذي يظفر فيه قائمنا (عليه السلام) بالدجال، فيصلبه على كناسة الكوفة، وما من يوم نيروز إلا ونحن نتوقع [فيه] الفرج، لأنه من أيامنا وأيام شيعتنا، حفظته العجم وضيعتموه أنتم "
احتمال قصدة يوم ٩ ربيع والاحتفال بهلاك الظالم الموخوش آدمي ... والا ما اظن المقصود يوم ٢١/آذار ... اظن المقصود ٩ ربيع والدجال ذاك الرجال
المهم سالفتنا على الضحاك ملك العرب وكاوه الحداد والدبچ والنار والاحتفال الي خلدوا ذولاك بينما احنا مضيعين احتفالنا
هسه هو الجماعة مكافش واشكالات واستدلالات وگال هل معمم وحچة ذاك المعمم ... وخبصة
هسه هو النبي احتفل بهل يوم ... احتفل بحدث راح يصير بالمستقبل بهذا اليوم ... الحدث بعده ما صاير اصلا ...
الاحتفال چان أنه راح يصير حادث وراه يصير دعاء وراها الله يستجاب هذا الدعاء بعد سنين ويحقق المطلوب
للي مزلغين روحهم أنه فلان مو اليوم تاريخ مقتلة " واني هم ما راح ادوخ نفسي اثبت شي "
هسه هو يجوز احنا هم دنحتفل بحدث راح يصير بالمستقبل ... فد شي راح يصير بالمستقبل بهيچ يوم ... يجوز بهذا اليوم بالمستقبل ينكتل عمر للابد ونخلص منه
بالماضي استجاب الله الدعاء بمستوى صغير ... وبالمستقبل راح يصير الشي الحقيقي الچبير
ومثل ما گال عبود غفلة
أظهر وخلّي الرواية امنشره ==== واصلب الجبتين من فوگ اشجره
وصيح ضلع امّي الزهره اشكسره ==== او من غصب حگها او هاج أحزانها
من غصب حگها او شگ كتابها ==== او من گرب لحدودها او ما هابها
او منهو جاب الحطب واشعل بابها ==== وبگت للسا بالگلب نيرانها
واقتبس منها العاملي وگال
گوم واگلبها الثّريّا اعله الثّرى
"واصلب الجبتين من فوگ اشجره"
شيعتك لليوم هذا امحضّره
اِوْللصّلب متحضّرة أشجارها
اكو ناس حياتها متمحورة على إبليس ...
إبليس الي الله لسبب ما بقاه ليوم الوقت المعلوم ... بقاه بكامل قوتة وقدراتة وصلاحياتة علمود يغوي البشر والبشر باقين كل هاي الأجيال بين الله وإبليس
والله هم يگدر يفضها من البداية ويموت إبليس الي عصى وما سجد
وگلنا اكو ناس عقلها وتفكيرها محورة الصراع وية هذا ابليس والشرب والحجاب والجنس والفلوس الخ
واكو " عمر " الي هو هم لحكمة الله باقي ليوم الوقت المعلوم
وغير ناس محور معاركها وصراعاتها هذا عمر وغواياته وما اخترعه لإضلال البشر وأساليبه وسوالفه
ومثل ما اكو من يلعن ابليس وهو يتبعه ... اكو من يلعن عمر وهو يعبده مو بس يتبعه
وهيه نفس المعركة ونفس الوضع ... وقصة ابليس نموذج صغير لقصة اكبر هيه قصة عمر
واذا ابليس چان عابد ٦٠٠٠ سنة وخوش آدمي بس انحرف وكفر ... فصاحبنا اصلا ما چان خوش آدمي ولا بطيخ ... بس جماعتة سووا عابد وبطل
إبليس على صغير ... وعمر على سالفة اكبر
والاتباع والجماعات والأجيال المحروگة لعيونهم ... والناس الي مضيعة نفسها بنفسها بيهم والناس الي مسويتهم أرباب وألهه
واكو الي يدرون بي موزين بس ياخذون منه التفاحة ... وكلشي اكو
واكو العمايم والمراجع الي مسوية الدين الله وإبليس ... بس هو بالواقع الله ومحمد وعلي ... وعمر
والـناس يـوم الـحشر رايـاتهم
خــمـس فـمـنـها هــالـك أربــع
فــرايــة الــعـجـل وفـرعـونـها
وســامــرى الامــــة الـمـشـنـع
ورايــــــة يــقــدمـهـا أدلــــــم
عـــبــد لــئـيـم لــكــع أكــــوع
ورايــــــة يــقــدمـهـا حــبــتـر
لـلـزور والـبـهتان قــد أبـدعوا
ورايــــــة يــقــدمـهـا نــعــثـل
لا بـــــرد الله لـــــه مــضـجـع
أربــعـة فـــي ســقـر اودعـــوا
لـيـس لـهـا مــن قـعرها مـطلع
ورايـــة يـقـدمها حـيـدر
ووجـهه كـالشمس إذ تطلع
غـدا يلاقي المصطفى حيدر
ورايــة الـحـمد لــه تـرفع
مـولـى لــه الـجـنة مـأمورة
والـنار مـن إجـلاله تـفزع
إمــام صــدق ولــه شـيعة
يرووا من الحوض ولم يمنعوا
بـذاك جـاء الـوحي من ربنا
يـا شـيعة الـحق فلا تجزعوا
الـحميري مادحكم لم يزل
ولــن يـقطع إصـبع إصـبع
وبـعدها صلوا على المصطفى
وصـنـوه حـيـدرة الأصـلع
ايامكم سعيدة ويعودلكم بالخير والبركة والستر والصحة والعافية وراحة البال... عليكم وعلى اهلكم وان شاء يچفيكم كل شر ومو خوش
واشتعلت صفحة كل منبوش وجماعتاتهم كلهم ... هذا يوم كلش حلو واكسترا لطيف ومو عادي ... فلا تخلوا يمر كيوم عادي
" فدخل المعتمد على العسكري عليه السلام وتضرع إليه و سأل أن يدعو له بالبقاء عشرين سنة في الخلافة، فقال عليه السلام: مد الله في عمرك، فأجيب .
وتوفي - المعتمد العباسي - بعد عشرين سنة "
هسه قبل ما نبدي ... اني ما ادري اذا سؤال المعتمد للامام العسكري بأن يدعوا إله بأن يبقى خليفة مدة ٢٠ سنة هو من باب الاستهزاء بالامام أو حقيقي
بالنتيجة الامام هم دعا للمعتمد وگال يا الله طول عمره وبالفعل طول حكم المعتمد ٢٠ سنة من بعد هاي الدعوة - وذيچ الفترة من الحكم العباسي مچان الخلفاء هواي يطولون ... اضطرابات ومدد حكم قصيرة بسبب المشاكل ويومية مكتول واحد منهم -
سالفتنا ... شلون الامام يدعوا لخليفة عباسي ظالم بأن يطول عهده وحكمة ٢٠ سنة؟!
اني اسئل السؤال وما معترض ولا منزعج ولا عندي شك ولا ضايج ... اني دا اسئل علمود اجدح السالفة عدكم ... اني مقتنع وفاهم ليش وادري بالدعاء هذا صحيح والإمام يدري شنو ديسوي
بس هو العقل الشيعي الثورچي الحالي الي ما راح يتقبل الفكرة ... تخيل هذا المثال مع الفارق وهو مثال لتقريب الفكرة مو اكثر
يجي الشاه ويطلب من فد سيد من الصلحاء أنه يدعولة يبقى يحكم ٢٠ سنة ... وهذا هم يدعولة ... جماعتنا شتسوي بهل سيد ؟!
تخيلوا نفس المشهد وية صدام اذا راح فد شخص صالح ويدعيلة ... شنو الهجوم الي يصير علية
أو نتنياهو أو ترامب أو اي اسم ببالك يروح يطلب دعاء من شيعي ويدعيلة
والمعتمد كلش اشر من ذولة ... ذولة قطرة ببحر ظلم المعتمد ما يصيرون
لان الفكر الشيعي مترسخ بي أنه لازم نسوي انقلاب وحكم واحنا نحكم وشلون ولازم وهذا حلم الانبياء
بينما الامام العسكري يگول تريد تحكم ٢٠ سنة!! هاك روح احكم ٢٠ سنة زيادة
ولو طالب ٤٠ سنة من الامام ... چان الامام بقاة ٤٠ سنة
لان الائمة يعرفون الدنيا مال ذولة موعد نهايتها مو هسه ... هسه إلى ما شاء الله لهذولة ... الائمة بعدين وكتهم
ف٢٠ سنة - ٤٠ سنة ما تفرق ... المعتمد لو غيرة كلهم طواغيت ... احنا مو عدنا " عن أبي بصير، عن أبي عبد الله عليه السلام قال: كل راية ترفع قبل قيام القائم عليه السلام فصاحبها طاغوت يعبد من دون الله عز وجل. "
الامام العسكري يعرفها وهو يگولها ودعا هذا الدعاء مال ال٢٠ سنة وغيرة لان ما يفرق المعتمد لو غيرة
وهاي على هذا الأساس كلها طواغيت ... وكلها احنا ما علينا بيها ... حتى لو چان اسمها اسلامي ... تريد تحكم؟! طبك مرض روح احكم شگد ما تريد
احنا ما نحرگ روحنا عليك ... لا علمود نوصلك للحكم ولا علمود نبدلك ولا يهمنا وضعك ... صعدت نزلت ... طاغوت
وهاي وحدة من أساسيات وفوائد التقية الي كفر بيها خميني والشيرازية وبيت المدرسي وال الصدر وأمثالهم واشباههم
واكو ناس تتبع هذا الطريق وينكتلون ويتبهذلون وكلشي يصير بيهم ... واخرها محروگين علخالي بلاش والله غاضب عليها حتى لو تمجدوا بالدنيا واعتبروهم شهداء ... ودم يصير برگبتهم
وناس تتبع هذا الطريق الي " عن علي عليه السلام أنه قال:
ما نزل بالناس أزمة قط إلا كان شيعتي فيها أحسن حالا، وهو قول الله: " الان خفف الله عنكم وعلم أن فيكم ضعفا "
" عن أبي عبد الله عليه السلام أنه قال: كفوا ألسنتكم والزموا بيوتكم فإنه لا يصيبكم أمر تخصون به أبدا، ولا يصيب العامة، ولا تزال الزيدية وقاء لكم أبدا. "
واكو هذا الكلام الواضح ... واكو چذب المعممين وتأويلاتهم وتحريفاتهم ومزاجياتهم ... وكل واحد بكيفه ... كل واحد مسؤول عن نفسه