الـبـريـتـور | أحمد القصبي

المجهود اللي بتبذله دلوقتي عشان تجيب درجة كويسة في الامتحان .. هيتمثل في نظرة واحترام الناس ليك قدام
كمل ومتوقفش
❤️
✌️

كل الحب والتحية والتقدير لكل الشطار اللي قاعدين يذاكروا ويجتهدوا
❤️
ان شاء الله تلاقوا نتيجة لتعبكم وقلقكم .. ولكل مجتهد نصيب.
❤️

أما بالنسبة للسيرة الطيبة، والشهرة، ومحبة زمايلي .. فيشهد ربنا أن أحمد القصبي كان يؤمن بأن الحرب له، والغنائم للجميع .. كنت وأنا بذاكر حاطط قدامي هدف أساسي هو إفادة زمايلي .. مكنش في نيتي أي رياء أو احيتاج لأي شئ من كده .. ولحد دلوقتي بيقابلوني بكل معاني الحب والدعم لأن كنت بعاملهم بـ "الصدق" و "حب الخير" .
• اما عن الكلية وحبها والتأقلم فيها :
تأكد أن كل ميسر لما خلق له، وان ربنا سبحانه وتعالى لما حطك في المكان ده كان لهدف ولغرض .. كلية الحقوق مكانتش حلمي من صغري ولا حاجه وجت صدفة .. بس طالما اتحطيت في مكان لازم تثبت نفسك فيه بأي طريقة .. وتأكد ان كلية الحقوق وخصوصا حقوق المنصورة من الكليات العظيمة بس بشرط تتميز فيها .. اجتهد واتعب واشتغل وسيب النتيجة على ربنا .. خليك حريص انك تستفاد من الدكاترة وعلمهم .. وتأكد انك في مكان مميز وكلية عظيمة وتاريخها مشرف ، وسبق وتخرج منها عظماء .. تخيل نفسك واحد منهم .. وده مش هيحصل غير بالعرق والتعب والجهد .
وأخيرًا .. تحت أمركم في سؤال أو استفسار بخصوص الكلية أو كيفية المذاكرة .. الله يسهل أموركم ويكون في عونكم .. مقدر حجم الضغوطات اللي عليكم .. بس تأكدوا أن الأيام دي كلها هتمر وهتعدي ومش هيتبقى غير تقديرك اللي مكتوب في شهادتك .. فأصبروا وصابروا ورابطوا لعلكم تفلحون .

وعليكم السلام ..
شكرًا لكلامك الطيب، وشكرًا للي وصلك عني الفكرة دي .. جزاهم الله عني خير الجزاء، وجعل سري خيرًا من علانيتي .
• بالنسبة لتساؤل إزاي وصلت للي انا فيه ؟
من ناحية المذاكرة والتقدير وصلت بفضل الله عز وجل، الذي دلني على الطريق .. وجعلني أتفهم دوري، كنت شايف المذاكرة عبارة عن شغل، وبتخيل أن عندي مدير هيحاسبني لو مروحتش، أو أهملت في شغلي .. كنت براعي ربنا في أهلي، وتعبهم ومجهودهم وحرصهم على راحتي .. مكنتش بنام من التعب والإرهاق لأن مفيش حاجه سهله .. وصدقني مفيش نجاح وتميز بدون مجهود كبييييير أوي .. ممكن الكلام اصلا ميوصفش كم المعاناة والألم اللي اتحطيت فيهم .. ومحدش هيحس باللي انا بقوله غير اللي جرب فعلا .. التضحية بجميع المناسبات الاجتماعية والعلاقات الشخصية .. انك تشوف كل الناس عايشه حياتها وانت مطحون دي مش حاجه سهله ولا تقدر عليها كل النفوس ..
بالإضافة إلى إرادة إثبات نفسي .. قدام الحاقدين والمحبطين والمثبطين .. أنا سمعت كلام محدش يقدر يتحمل ألمه .. بس تحملت وسكت وصبرت واشتغلت بس لحد ماربنا أكرمني .. وأنا داخل الكلية كانوا بيقولولي ده صعبة وكده كان كلامهم وقود وصلني إني أكون من أوائل دفعتي ..

السادة الباحثين طلبة دبلوم القانون الخاص
مادة القانون التجاري مع التعمق.
إليكم شرح لـ عدم الأمان في المعاملات الإلكترونية.
من صفحة ٥٣ لصفحة ٦٥ في الكتاب.
مع خالص الاحترام والتقدير.
#أحمد_القصبي
.

ايه الفرق بين المذاكرة العادية و المذاكرة صح ؟؟
-- الفرق كبير .. لأنك لو ذاكرت صح , نسبة انك تنسي بتكون قليلة جداً .. و وقت مذاكرتك بيقل .. طيب ده يحصل ازاي بقي ؟؟
😀
● اولاً : لازم تشوف المُذاكرة بشكل مختلف المٌذاكرة مش يعني حفظ و تسمييع ! المُذاكرة يعني فهم حقائق , فهم معلومات .. فهم حاجه اكييد هتنفعني في يوم ..
❤️
● ثانياً : خلي المذاكرة شئ ممتع ( يعني لو احنا عندنا الدراسة عبارة عن " رغي ف كُتب " غير انت المنطق دة .. مثلا اقعد العب مع شات جي بي تي واتناقش معاه)
😀
ثالثاً : نظم وقتك ( مفيش حاجه اسمها افضل ٨ ساعات بذاكر !! اصلاً قدرة عقلك متستحملش دة ! ف مثلاً بما اننا ف اول الاسبوع و في بعض الناس عندها امتحانات بعد اسبوع .. ابدأ حط خطة من دلوقتي .. هتذاكر ايه يوم ايه لمدة قد ايه و ال Break هيكون قد ايه و هتتأكد انك فهمت ازاي و هتراجع المُراجعة الاخيرة ازاي .. و هكذا )
😀
❤️
● رابعاً : ذاكر بس لمدة 50 دقيقة و خد Break لمدة 10 دقائق .. لأنك لو طولت عن كدة المعلومات هتبدأ تطير (50 دقيقة مذاكرة + 10 دقائق راحة) و كرر المعادلة دي لغاية ما تخلص الجزء الي وراك .
● خامساً : مش لاقي غير السرير الي تذاكر عليه !!! السرير دة اكتر حاجه هتفصلك عن التركييز .. حاول دائماً تدور علي مكان مريح بس مش للنوم و تكون الاضاءة فيه كويسة .
● سادساً : ابدأ دايماً اعمل Notes فيها اهم المعلومات الي وصلتلك ( و الي ف الاغلب بتيجي ف الامتحان )
● سابعا: ابدأ باكتر حاجات مهمة وانت عارف انها مهمة قبل ما تستهلك طاقتك الذهنية و البدنية
● ثامنا : اربط المعلومات الي ف الموضوع الواحد ببعضها .
● تاسعا : قوم نام بقي ... لأ مقصدش دلوقتي اقصد نام كفاية و بالذات ف الايام بتاعت الامتحانات عشان تدخر اكبر قدر ممكن من تركيزك و نشاطك .
عاشرًا: خليك أمين مع نفسك ومع أهلك واعمل اللي عليك
❤️

لو حد في الفرقة الثانية بيلاقي صعوبة في مادة الأحوال الشخصية يجيب بارتات المادة أو مذكرة الشرح النهائية من المركز القانوني
البارتات منظمة جدًا وفقًا للمحاضرات وفيها اسئلة بنفس اسلوب الامتحان ان شاء الله
موفقين
❤️

‏طيب يا شباب عشان ريحة اليأس اللي في الجو دي..
إن الله إذا كلّف أعان.. فلا تنظُر لثُقل التكليف، وانظر لقدرة المُعين.

ساعد غيرك إذا قدرت
ربنا بيبارك للي بيحب يخدم الناس

شيت أسئلة مهم جدا مادة قضاء الإلغاء لطلاب الفرقة الثالثة.
شير في الخير
❤️
بالتوفيق والسداد
❤️