خضر وبزنس

فيديو أشهر 18 خطأ من أخطاء الشركاء هينزل الساعة 8 الليلادي إن شاء الله.. لو مشترك في القناة هيجي لك تنبيه وتعرف في ساعتها.. وإن شاء الله هاكون باتفرج معاك ونقدر نتشارك في الشات
🌷
طبعا لو مش مشترك في القناة هيكون أفضل لو اشتركت عشان تعرف أول ما الفيديوهات تنزل
🌷
https://youtube.com/@khedrwb?si=R87DhOgz-fxVenay

معلش الله يرضى عليك.. انت عمال تدور على مشروع تعمله عشان تحافظ على قيمة فلوسك وعشان الفلوس تعمل دخل شهري أو سنوي.. حلو.. فعشان توصل لأحسن فرصة مربحة ومضمونة عمال تسأل وتستشير وتتابع وتقرا وتتفرج.. الله ينور عليك..
بس فيه مشكلة صغيرة.. اللي حصل ان لما البحث والسؤال والدوخة وكده أخدوا منك وقت طويل وغلبة فانت تصورت ان هي دي الخطوة الصعبة.. وما صدقت لقيت فرصة معينة واقتنعت بيها فخدت القرار فاستوردت البضاعة أو اشتريتها جملة أو صنعتها أو أجرت المكتب ووظفت الناس.. لأ اسمح لي كده غلط..
الخطوة الصعبة مش انك تلاقي فكرة المشروع أو توصل لأحسن سعر.. الخطوة الصعبة انك تبيع.. انك تعرف هترجع فلوسك ازاي.. في الاستثمار الحكمة بتقول: مش مهم هتحط فلوسك امتى وازاي.. المهم هتستردها امتى وازاي..
فلو ده مش مجالك ولو انت مش عارف مين المنافسين ومين العملاء وكام ربحية المجال وازاي هتوصل للعملاء وتقنعهم إلى آخر كلام البزنس العادي ده اوعى تاخد الخطوة اللي قبلها.. اوعى تستورد أو تشتري أو تصنع.. معلش الله يرضى عليك.. عشان الواحد حزين من كم الرسائل ومنشورات الجروبات اللي أصحابها اتورطوا في مشاريع بالطريقة دي فمش عارفين يبيعوا ومش عارفين يعملوا ايه..

عندما تحتاج الشركة غير الفردية إلى رأس مال إضافي فلا يجوز أن يدخل ذلك المال على التقييم القديم لها إلا بأحد الشروط التالية:
- اشتراك الجميع في الدفع كلٍّ حسب حصته في الشركة فتظل الحصص كما هي بعد زيادة رأس المال.
- موافقة "كل" الشركاء على أن يكون دخول رأس المال الجديد على التقييم القديم.. سواء كان هذا الاتفاق عند بداية الشراكة أو في وقت الاحتياج لرأس المال الجديد.
- عدم حدوث تغيرات في المبيعات و/أو الأرباح و/أو الأرباح المستقبلية المتوقعة بشكل مؤثر من شأنه أن يغير التقييم.
عدا ذلك من الظلم أن يتم ضخ رأس المال الجديد على التقييم القديم للشركة.
#من_كواليس_الاستشارات

إذا اتفق الشركاء على المساهمة برأس المال ولم يكن رأس المال حاضرا لدى أحد الشركاء فلا يحصل على حصته الكاملة المتفق عليها وإنما الحصة التي تقابل المبلغ الذي أسهم به.. مع الاتفاق بأنه كلما وفى بجزء إضافي من رأس المال المطلوب منه زادت حصته حتى يستوفي ما اتفق عليه.. وينبغي الاتفاق على ما يحدث لو تخلف عن الوفاء بدفعة متفق عليها من رأس المال في موعدها..
فمثلا إذا اتفقنا على إنشاء مشروع تحاري برأس مال ٢٠٠ ألف وعلى الدخول مناصفة لكنك دفعت ١٠٠ ألف وطلبت أنا جدولة المبلغ على فترة مع دفع ٢٠ ألف فقط الآن فعندها تكون حصتي الحالية ١٧٪؜ فقط لا ٥٠٪؜ (على اعتبار أنها تساوي ٢٠ مقسومة على ١٢٠).. وتزيد حصتي مع التزامي بالسداد إلى أن أحصل عليها كاملة ٥٠٪؜..
هذا هو الحكم الشرعي وكذلك الترتيب الأسلم للحفاظ على الشراكة وعلى العلاقات وعلى مصلحة الشركة.
#من_كواليس_الاستشارات

لا توافق على التعامل بمبدأ "مش هنختلف" و"بسيطة" و"في بيتها".. أوقف كل شيء تماما حتى تتضح تفاصيل الاتفاق.. فكثيرا ما يكون هذا المبدأ فخا للأسف..

- ازاي ايلون ماسك وساويرس وغيرهم من مشاهير البزنس بيشتغلوا في مجالات متنوعة مش شرط يكونوا فاهمين فيها؟ مش المفروض الشخص اللي يعمل بزنس يكون متخصص فيه؟
= سؤال جميل..
الناس دي لما بدأت حياتها أغلبهم بدأ حياته بأنه اتعلم صنعة وبقى رائد أعمال وبعدين رجل أعمال وبعدين مستثمر.. وفي المثالين دول هتبان العلاقة بين الترتيب ده وبين السؤال..
مثلا ايلون ماسك.. اتعلم البرمجة وهو في الثانوي واشتغل بيها أثناء الدراسة وبعدين عمل شركة برمجة اشتغلت فترة وكبرت واتباعت وعمل منها مكسب كويس (بمئات الملايين).. بعدها ومن واقع شغله وخبرته شاف مجال الدفع الإلكتروني له مستقبل ومش موجود بشكل فعال فعمل شركة في المجال ده (قائمة على البرمجة برضو نفس مجاله).. ومع الوقت اندمجت الشركة مع شركة تانية وطلعت شركة باي بال بجلالة قدرها.. ولما باع باي بال بقى معاه فلوس كويسة جدا يقدر بيها يحقق أحلامه..
من أحلامه انه يعمل طفرة في مجال الفضاء.. ومجال المواصلات.. ومجال الاتصالات.. الخ.. وبفلوسه وعلاقاته وشهرته بدأ يتحول إلى رجل أعمال يؤسس ويدير ويحط سيستم وواحدة واحدة الشركة ما تحتاجلوش في شغلها اليومي.. يقوم يقدر يعمل حاجة تانية.. وبالتوازي يستثمر في شركات ويديرها فترة يتأكد من السيستم ويساهم فيه ولما يطمئن للفريق والسيستم يركز في حاجة جديدة وهكذا..
ساويرس درس إدارة تقنية المعلومات وهندسة بره.. ولما رجع دخل في شركة والده وعمل فيها قسم للاتصالات والبرمجة (المجالات اللي درسها وفاهم فيها).. واحدة واحدة خد توكيلات أجهزة وعمل شركة انترنت وكام سنة كمان عمل شركة محمول.. فهو ماشي في نفس اللي فاهم فيه معظم الوقت.. والباقي (لو أسس شركة في مجال تاني أو أدار شركة في مجال تاني) بيبقى من واقع خبرته الإدارية.. لأن زي في حالة ايلون ماسك كده كل ما الشركة كبرت وبقت معتمدة على نظام كل ما إدارتها بقت محتاجة خبرة إدارية أكبر من الخبرة الفنية..
ليه قلت "أغلبهم" في البداية؟ عشان فيه قلة قليلة بتعمل شركة في مجال جديد عليها وتتعلم بفلوسها وتقدر تكمل وتكبر.. بس ما يتبنيش عليهم قاعدة لأنها حالات فردية جدا.. فالقاعدة هي: اتعلم وخد خبرة في مجال عشان تقدر تعمل بزنس لو حبيت..

من وجهة نظري الأسئلة من نوعية احنا رايحين على فين وايه آخرة اللي احنا فيه ده ما بقاش لها معنى نهائيا.. السؤال الحقيقي هو: نعمل ايه.. فخليك معايا..
اقرأ المقال الكامل على فيس بوك.

نقطة دقيقة في حقوق الشركاء..
الزيادة التي تحدث في قيمة أصول مملوكة لأحد الشركاء لمجرد التضخم أو خلافه دون أن يكون لنشاط الشركة دور في ذلك هي زيادة لا علاقة لبقية الشركاء بها.. وهي ربح رأسمالي خاص بصاحب الأصل.
#من_كواليس_الإستشارات

إذا سحب الشريك فلان أرباحه عن سنة (بالاتفاق) ولم يسحب الشريك علان ما يعادل حصته من الأرباح للسنة نفسها لأي سبب فلا يعني هذا أن يعتبر علان أنه ترك الأرباح المستحقة لتدخل الشركة كرأس مال جديد يستحق حصة جديدة بدون موافقة واضحة من الشركاء.. فإذا وافقوا تُقيّم الشركة قبل احتساب الحصة الجديدة..
إذا كان من سياسة الشركة إدخال ممولين (شراكة أرباح) لفترات وحساب أرباح لهم فمن الممكن أن تعتبر أرباح علان تمويلا يستحق نسبة من الأرباح مدة وجودها في الشركة لحين استردادها..
عدا هاتين الحالتين (موافقة الشركاء على اعتباره رأس مال جديد ودخوله كتمويل) تعد الأرباح قرضا للشريك علان لدى الشركة لا أكثر من ذلك.
#من_كواليس_الاستشارات

هل الوقت مناسب لإنشاء مشروع جديد يبيع منتجات في مصر؟
اقرأ الإجابة على لينكد إن..