نقطة نور

بتتحرق منك العلاقات؟
🔥
أكيد عشان بتعلي النار وتسبها وتمشي.
لكن لو عاوز علاقات مستوية ودسمة وتشبعك طول العمر، فا اكتب ورايا كده المقادير دي:
معلقة من تقبل الآخرين باختلافاتهم
👐
.
ورشة من التواضع لما تغلط
🤦‍♂️
عشان مفيش حد مبيغلطش.
ومعلقتين كبار من حسن الظن بالآخرين
🌸
عشان لو حاولت تشوف الحلو في تصرفات الناس السيئة، مستحيل تعرف نهاية الطبخة وهتتحرق منك.
وكوباية كبيرة من الدعم
💪
اللي بتضيفه لغيرك حتى لو مفيش مقابل.
ومتنساش بعد ما تخلط كل المكونات دي، تحط على الوش حديث النبي صلى الله عليه وسلم:
"وخالق الناس بخلق حسن"
✨
.
واعرف يا صديقي إن الطبخات دي لازم صبر كتيييير
⏳
. هتتحرق منك علاقة، لكن هتقدر تصلحها وتتنازل عن طعم الجزء اللي اتحرق.
وخليك فاهم إن غيرك مش دايمًا غلط، وانت مش دايمًا صح. كل واحد صح من وجهة نظره هو، فحاول تعرف وجهة نظر غيرك وتحسن الظن بيه وتكون رحيم وحنون عليه
💖
.
لكن هيظل ناقص المكون السري اللي بيخلي الخليط ده كله يتفاعل مع بعضه ويطلع علاقة ممتازة.
تقدر تخمنه بنفسك؟
🧐
#مطبخ_نقطة_نور
#نقطة_نور

انت أخويا أصلاً.
من جمال الدين عندنا إنه مجرد ما بندخل فيه بيصبح عندنا إخوة في كل مكان.
أي حد نطق الشهادة أصبح أخي في الدين، حتى لو مكنش قريبي.
🌍
❤️
فا أفرح لفرحه، وأحزن لحزنه، وأساعده إن قدرت.
فا تلاقينا بنفرح لتحرر سوريا من الألم اللي كانت فيه، وعيوننا مليانة دموع على الألم اللي عايشة فيه غزة الحبيبة.
😢
🕊️
أشخاص لم يرونا ولم نراهم، لا يعلمون أسماءنا، ولكن نحن نعلم إنهم مسلمين.
🤲
دينّا جميل والله! النبي ﷺ أمرنا أصلاً منأذيش إخوانا ولا نحقره ولا نبغضه، حتى لو عمل مكروه.
فا تلاقي أخوك أذنب، فتبص له بعين حانية، مش تنبذه. تعينه على التوبة وتفكره بالذنب فا يرجع.
🤝
✨
والدين موقفش على كدا! لا، دا أمرنا نصلح بين إخوانا.
يعني لو اثنين متخاصمين، إحنا نتحرك بسرعة ونصلح بينهم.
ولو في طائفة من المسلمين تجبرت، فا نقوم نحاربها لحد ما ترجع للصح وترجع الأخوة تاني.
⚖️
✊
واللي خلى مجتمعنا باهت من غير ألوان هو إننا نسينا الأخوة.
فا كل واحد فينا بيحاول يعمل ناصح عشان يوقع غيره في الشر، أو يضر غيره، أو يطلع على أكتاف غيره، ونسي إن غيره دا هو أخوه.
💔
تفتكر إزاي نقدر نرجع شعور الأخوة دا بين الناس؟
🌟
#ديني_حياتي
#نقطة_نور

حصّن نفسك دايمًا.
🕊️
عارف إن الدنيا مليانة تحديات وضغوط، وكتير بنحس إن في حاجة بتسحب من طاقتنا أو بتعكر صفونا؟ هنا بتيجي "الرقية الشرعية" زي الدرع اللي بتحميك وتطمن قلبك.
🤍
فالرقية الشرعية مش مجرد كلمات، دي قوة من ربنا بتحميك من كل شر وحسد لما تعملها، بتحس كأنك تحت جناح أمان ربنا، فيها هدوء، طمأنينة، وسكينة بتنزل على قلبك.
🌿
طيب أرقي نفسي إزاي؟
1. ابدأ بنيّة صافية: خلي نيتك إنك بتلجأ لربنا وتحتمي بيه.
2. اقرأ بتركيز
👇
الفاتحة
آية الكرسي
المعوذتين (الفلق والناس)
سورة الإخلاص
3. ادعي من قلبك: قول "أعوذ بكلمات الله التامات من شر ما خلق"
ليه مهم تحافظ عليها؟
🌱
بتحميك من الحسد والعين.
🌱
بتبعد عنك الطاقات السلبية.
🌱
بتقوي صلتك بربنا.
🌱
بتطمن قلبك وتهدي روحك.
حلاوة الرقية الشرعية إنها سهلة وممكن تعملها في أي وقت، خليك دايمًا قريب من ربنا، واحمي نفسك وحياتك بيها.
❤️
🥰
#ديني_حياتي
#نقطة_نور

يا عمّ، دي هي نص ساعة على الفيس مش حوار يعني؟
😅
مشكلتك ومشكلتي إنك بتحسب الوقت إنه رخيص، وإنك تصرفه على أي حاجة والسلام، مع إن حساب الوقت عندك غير عند بعض الناس.
⏳
ومش هقولك زمان والصحابة والسلف، لا، هقولك في وقتنا الحالي ده أصلًا:
في ناس بتحسب وقتها بحاجة اسمها "تكلفة الفرصة البديلة".
🤔
يعني حضرتك قعدت نص ساعة على الفيس، هل معنى كده إنك ضيعت نص ساعة فقط؟
الإجابة: لا، طبعًا!
🚫
لكن الحقيقة إنك ضيعت نص ساعة كان ممكن تقول فيها ذكر يغفر لك كل ذنوبك، أو ضيعت نص ساعة كان ممكن تقرأ فيهم قرآن فتاخد على كل حرف حسنة.
🌟
أو إنك تذاكر، أو تشتغل، أو أو...
خدت بالك إن النص ساعة اللي إنت مكنتش عامل حسابهم غاليين إزاي؟
💎
نص ساعة كفيلة تغيّر حياتك أصلًا!
الصحابة زمان كانوا بيتحسروا على الوقت اللي بيعدي وهما مش بيقربوا للجنة.
🕊️
جايز بالنسبة لك نص ساعة على الفيس أو التلفاز أو غيره حاجة بسيطة،
لكن صدقني، عمرك عبارة عن وقت، وكل يوم بيعدي بيخلص أكتر.
📆
فتخيّل كان ممكن تعمل إيه في الوقت اللي فات وانت ضيعته على إيه؟
والخبر الحلو: إنك لسه عندك فرصة أصلًا تلحق نفسك
❤️
.
عارف هتعمل إيه؟
💡
#ولع_لمبة
#نقطة_نور