نقطة نور

متبقاش دبش
🫸
كتير بنلاقي نفسنا بندخل في نقاشات وجدل بس عشان نثبت إن إحنا صح والطرف التاني غلط، مهما كان الموضوع.
بنركز في كسب النقاش أكتر من كسب الشخص نفسه.
فبنطلع كسبانين النقاش
🏆
، لكن بنخسر الشخص
😔
.
أو بنلاقي نفسنا في مواقف كتير بنتخانق عشان نثبت إن الغلط مش مننا، وإن التاني هو اللي غلطان تمامًا من كل النواحي.
والنتيجة؟ بنكسب "المعركة" دي
⚔️
، لكن بنخسر الشخص.
لو سألت حد أكبر منك، عنده شوية خبرة وحكمة
🧓
، هتلاقيه يقولك:
البيوت مش بتتبني على إن الراجل كلمته تمشي بالحرف
🗣️
أو إنه يقف للست على الواحدة، لكن البيوت الصح هي اللي بتتبني على "التغافل"
😊
.
بمعنى إنك تعدي عن الحاجات الصغيرة.
ونفس الكلام بينطبق على أي علاقة ناجحة
🤝
.
لازم تكون مبنية على "التغافل"، يعني لما حاجة تضايقك، بتختار تعديها عشان تحافظ على العلاقة وتكسب صديقك أو الشخص اللي قدامك.
دي باختصار هي الحياة
🌍
.
والأهم من إنك تكون دايمًا صح، هو إنك تفضل محافظ على الناس اللي حواليك. تكون شخص طيب
💖
، وجدع، ولين مع الناس
🤗
.
ودا ال النبي وصفه وقال إنه حرم على النار كل هين لين سهل قريب من الناس.
الدنيا مش ناقصة مشاكل وخناقات
😤
. كلنا محتاجين شوية هدوء ولين في تعاملاتنا مع بعض
🕊️
.
اتفقنا؟
🤝
#ولع_لمبة
#نقطة_نور

وقليل من عبادي الشكور
🌱
كلنا عارفين انه ربنا سبحانه، خلقنا لغرض عظيم جدا و هو عبادته سبحانه، والعبادات دي كتيره ومنها (عبادة الشكر) اللي كتيرر مننا مش عارف حقيقتها واهميتها!
فا ما هوه الشكر؟ وما حقيقته
🤷‍♂
تعال كمل معايه للآخر عشان تعرف اكتر .
👇
والإجابة يا صديقي، أنه حقيقة الشكر تكون بعمل بما أمر بيه ربنا والابتعاد عما نهى،فا الشكر أداء عملي للعبادة، وليس ثناء بلسان وتمتمة بعد الصلاة وقول بعد الشبع من الطعام.
👌
والنبي صلى الله عليه وسلم، ترجم لينا حقيقة الشكر لله سبحانه في حياته، يوم ما تعجبت امنا عائشة رضي الله عنها من قيام النبي صلى الله عليه وسلم في صلاة الليل حتى تتفطر قدماه،
فقالت متعجبة للنبي تفعل كل هذا وقد غفر الله لك ما تقدم من ذنبك وما تأخر فرد عليه الصلاة والسلام ليبين حقيقة الشكر وانه بالعمل وليس بالقول فقط، فيقول افلا اكون عبدا شكورا.
🤍
ونقدر نقول برضه انه الشكر شكران، شكر عام يختص بالدنيا من لباس وصحة طعام وغيرهم.
👉
وشكر يختص بالإيمان والتوحيد والهداية، وللأسف اغلبنا بيعمل الشكر العام فقط لكونه منفعه محسوسه ملموسه.
😢
و حقيقة الشكر تكمن في ظهور أثر نعمة الله على لسان عبده ثناء، على قلبه محبة وعلى جوارحه ايمان وطاعة.
🍂
فالشكر يا صديقي، هو نور يضيء القلوب، ورحيق ينعش النفوس. هو مفتاح أبواب الخير والبركة، فلنجعل من الشكر شعارنا في الحياة، فالله تعالى يحب الشاكرين، ويزيدهم من فضله وكرمه، ولتكن نهايتنا إلى جنته، حيث لا يجد الشاكرون إلا ما يسُرهم.
🤍
#ديني_سلاحي
#نقطة_نور

🙍‍♀
يستكبر أن يظهر أمامي ضعفه!!
وبدلا من ذالك يتعصب عليه، وبيحط اللوم عليه في أغلب المشاكل الي بتحصله، على أن يظهر ضعيفا أمامي.
💔
_ هوه النبي صلى الله عليه وسلم، كان بيظهر ضعفه أمام زوجاته و يستعين بيهم؟
🌱
= أكيد، النبي صلى الله عليه وسلم، كان بيشارك كل أموره مع امنا عائشة، وبيشارك ما يحزنه ويفرحه، و يستعين ويتبادل الرأي معاها ويتكلم بما يضايقه ويضعفه
💁‍♂
🙍‍♀
بيتظاهر أمام الناس بالخيرية والحنان، أما معايا وفي بيته تتلاشى كل هذه الصفات بحجة أنه مضغوط
فا لم اعد أهتم باهتماماته، وبقيت اتعمد مخالفته في أغلب الأمور، ومش حابه إنو اشبهه في اي شيء.
💔
_طب لو نظرنا لحياة النبي صلى الله عليه وسلم، هنعرف كيف بيتعامل مع زوجاته من الناحيه دي؟
🌱
=طبعا، كلنا عارفين خلق النبي صلى الله عليه وسلم، إللي كان بيقول خيركم خيركم لأهله، يعني العشرة والمعاملة الطيبة المفروض تكون لأهل بيتك قبل ما تكون للآخرين،
المعاملة المكللة بالحب والود والرفق والحنان والإهتمام كما كان سيدنا رسول الله مع أهل بيته وصحبه.
💁‍♂
فالزواج هو رحلة، مليئة بالمطبات والمنعطفات، ولكن مع الصبر والحكمة، هنقدر جميعًا أن ننمو ونرتقي، خصوصا لو اتبعنا النبي صلى الله عليه وسلم، كقدوة لنا في كل شيء، بما في ذلك التعامل مع الشريك، فلتكن سُنته حَكَمًا في حياتنا ، ولنستلهم منه الصبر والحكمة والرحمة لبعضنا.
🤍
#ديني_حياتي
#نقطة_نور

تعرف تسكت؟
صدقني، دي مش مجرد حكمة، دي مفتاح من مفاتيح النجاح والراحة النفسية
🔑
.
كل العظماء، كل الناجحين اللي عرفتهم أو سمعت عنهم، كانوا دايمًا يقولوا: "بلاش كلام كتير". حتى لو رجعت لتاريخ الصحابة والسلف الصالح، هتلاقي إن من أهم صفاتهم كانت قلة الكلام، والكلام اللي ينقال بحكمة
🧠
.
النبي ﷺ قال إن الكلمة ممكن تودي الإنسان لجهنم سبعين خريفًا... تخيل؟ كلمة واحدة ممكن تدمرك. فما بالك بكمية الكلام اللي بنقوله بدون ما نفكر؟
⚠️
الكلام الكتير مش بس بيقلل من قيمتك، لكنه كمان بيخليك عرضة للخطأ
❌
، بيقلل من انتباه الناس ليك، وبيخليهم مع الوقت ما يقدروش كلامك. وكل ما تتكلم أكتر، كل ما تلاقي نفسك بتندم أكتر. في الآخر هتقول: "يا ريتني ما اتكلمت"
😔
.
أكيد دلوقتي في مواقف بتعدي في بالك... مواقف كنت تتمنى لو كنت سكت
🤐
. مواقف كلامك خلاك تندم، بس خليني أقولك حاجة: اللي فات مات. المهم دلوقتي
⏳
. اللحظة دي هي فرصتك إنك تبدأ.
خد القرار إنك تكون أذكى
🧠
. إنك تتعلم فن السكوت. القرار ده مش هييجي من غير تدريب، محتاج وقت وصبر
⏱️
. وعندي ليك نصيحة صغيرة، بسيطة، لكنها قوية جدًا
💡
: قبل ما تنطق أي كلمة، خد لحظة، فكر ثانيتين. اسأل نفسك: "هل الكلمة دي هتفيدني أو هتضرني؟"
🤔
. هتتفاجأ بكمية الكلام اللي مش محتاج تقوله.
اللي يرمي كلام يضر غيره ده مش "دبش"، لا ده إنسان مؤذي، بيضر نفسه قبل ما يضر غيره، ومش عايز يتغير
⚠️
. ما تكونش منهم.
ابدأ من النهارده. خلي السكوت سلاحك
🛡️
، خلي الحكمة هي اللي تتكلم بدل لسانك.
يلا  قولي كدا إنك هتبقى صامت  من النهارده ونقولك المتابع الصامت.
😁
😁
🫣
#ولع_لمبة
#نقطة_نور